Cada selmana vas poder atopar en VerAsturies.com les recetes llambiones de la escritora Beatriz Rato.

Ingredientes:

Un bote de piña n’almibre medianu, 4 güevos, 5 tayaes de pan “Bimbo”, una tacina de llechi, 4 cuyaraes d’azucre, una cuyaradina de formientu, carambelu líquidu, una tarrina de nata montao.

Procedimientu:

Carambelizar bien un moldiu, incluyíos los bordes; asitiar rodases de piña en tola base.

Echar la piña de sobra (ensin el xugu) nuna escudiella fonda xunto a los huevos enteros, les tayaes remoyaes na llechi, el formientu y l’azucre. Batelo too y vertilo nel moldiu.

Meter nel fornu a 200 graos hacia 30 minutos.

En enfrescando, dexar posar na nevera d’un día pa otru.

Esmoldiar y adornar con una manga pastelera cola nata montao.