Sidra Cortina
En Villaviciosa, tierra de sidra y llagares, vas poder tastiar esa primer sidra del añu que siempres ye tan especial en Sidra Cortina. Nesti llagar de gran tradición familiar, que yá va pola so tercer xeneración (fundóse en 1952), vas poder esfrutar d'esa primer sidra del añu averándote al so llagar n'Amandi, que vas poder acompañar d'una estupenda visita empuesta a les sos instalaciones, onde producen el 55% de la so demanda con enerxía solar. Amás, ellí tamién vas poder realizar espiches y, si non… siempres ta'l so restorán Casa Cortina. ¿Yá tas preparáu pa dir a Sidra Cortina y esfrutar d'una gran sidra natural tradicional?
Dirección: San Xuan 44, Amandi, Villaviciosa
Teléfonu: 985 89 32 00
Horariu: Llunes a vienres de 9:00 a 13:30 y de 15:00 a 19:00. Sábados de 10:00 a 13:30.
Páxina web: sidracortina.com
Sidra Canal
Los llagares empiecen a tener la sidra nuevo creada a partir de la collecha de la pasada seronda y agora, xunto coles espichas, son unu de los productos estrella. Por eso, en Sidra Canal tán preparando los sos meyores toneles por que puedas llevate eses botelles de la primer sidra a casa. Esti llagar de la parroquia de Llavandera, en Xixón prepara la so sidra coles meyores mazanes escoyíes y pasando por un rigorosu y tradicional procesu d'ellaboración. Fecha como en tiempos ancestrales, ensin adición d'azucres, l'anhídridu carbónico que contien ye d'orixe puramente endóxenu. Amás, puedes pasar pol llagar a recoyer les tos botelles. ¡Nun duldes y consume Sidra Canal!
Dirección: Camín de Llinares, Nº 294, Llavandera, Xixón
Teléfonu: 985 13 77 57
Horariu: Llunes a vienres de 9:30 a 13:30 y de 15:00 a 19:00. Sábados de 9:30 a 13:30
Sidra JR
En Sidra JR yá tienen preparada la primer sidra del añu, DE PURA MADRE!, polo que bebela va ser una esplosión de sensaciones nel to cielu la boca. Sidra JR nel Altu L’Infanzón dende l'añu 1910, tien dos variedaes de sidra claramente estremaes pola so etiqueta. Per un sitiu, ta la JR tradicional, que ye una sidra fresco y senciella que-y resulta al consumidor bien fácil de beber. Per otru llau, ta la SEDE DE PKDO, creada pa PKDORES y remarcar el sellu de sidra asturiano denominación d'orixe, d'arume intenso y con una entrada na boca bien permediada Amás, averate al llagar a poles tos botelles ye la meyor elección, y esfrutar de les visites empuestes q ufierten a la pumarada, al llagar y de remate una degustación de sidra espichada directamente de tonel. ¿A qué esperes pa visitar Sidra JR?
Dirección: Carretera Nacional 632, Nº 5321, Altu L’Infanzón, Xixón
Teléfono: 985 33 84 37
Horario: Lunes a viernes de 9:00 a 18:30 y de15:00 a 19:00. Sábados de 11:00 a 14:30
Llagar Castañón
La primer sidra del añu en Castañón empieza cola edición llimitada de la Sidra de Primavera Val de Boides DOP, resultáu d'un cuidadosu procesu de producción qu'empieza cola selección de 3 variedaes de mazanes de la rexón d'Asturies con denominación d'orixe protexíu. La sidra ellabórase utilizando los métodos tradicionales, lo que significa que'l sabor y la calidá caltiénense intactos. Si queréis saber mas sobre la Primer sidra del añu, vive una visita empuesta en Castañón. Nesti llagar con tradición dende l'añu 1938, vas poder conocer cómo ye'l funcionamientu d'un llagar ellaborador de sidra natural tradicional nuna esperiencia única. Ellí, van esplicate pasu a pasu cómo se produz la bébora más popular d'Asturies antes de llegar al antiguu llagar, onde siguen de manera tradicional fermentando la sidra y realizando espiches. ¿A qué esperes?
Dirección: Carretera. de San Miguel, nº 90-103, 33314 Quintueles
Teléfono: 985 89 45 76
Horario visites: De Martes a Vienres 13:00 y 17:00, sábados 13:00 (Reserves na WEB)
Páxina web: http://sidracastanon.com
