Victor Ferrara (diseñador del xuegu) y Llara Fonte (ilustradora) son dos mozos asturianos que crearon un proyectu teniendo en cuenta la importancia que tienen anguaño los xuegos y l'ociu en casa por cuenta de la situación que tamos viviendo.

Esti proyectu consiste nun llibru interactivu, onde participen delles persones que tienen que siguir unes regles determinaes a manera de xuegu de mesa. Componse de mapes tablero y combates con fiches, pero tamién con partes narraes, la interpretación de los xugadores ya inclusive xuegos dientro del propiu xuegu.

La trama d'esti llibru consiste na desapaición misteriosa del dueñu d'un aserradero, y ensin él, tantu'l aserradero como los animales qu'habiten nél tán condergaos a sumir. Ye entós cuando cuatro animales van salir en busca del humanu al interior del monte pa salvalu y restaurar l'orde nel llugar.

Tráiler «Lo que ocultan los árboles»

Lo que cuentan los árboles ye un xuegu d'iniciación al mundu de los xuegos de rol. Podrán tomase decisiones y resolver enigmes, pero tamién va haber combates. Trátase d'un xuegu bien versátil, nel que pueden xugar de 2 a 4 xugadores ya inclusive más si deseya creáselos. Tamién el tiempu de duración puede variar dependiendo de les aventures secundaries que cree cada xugador.

Col fin de poder imprimir esti llibru y pagar los materiales utilizaos pa la creación del mesmu, los autores crearon un crowfunding pa poder consiguilo. Amás, con cada aportación que realice, cada persona va llograr un pagu dependiendo de la cantidá cola que s'ayude. Puedes aportar a esta iniciativa y llograr más información al traviés de esti enllaz..