Como cada 11 de payares dende fai más de cien años (1905), Morea d’Ayer entama una fiesta, una de les más populares y conocíes de la seronda d’Asturies. Esta celebración ye la de los Humanitarios.
La fiesta, que cunta colos típicos rituales de misa, desfiles de carroces y folclor típicu d’Asturies ye bien orixinal por dellos motivos y un d’ello ye que la celebración ñaz del asociacionismu vecinal, con un oxetivu solidariu y social, que ye apoyar a los más desfavorecíos del llugar. Pero los Humanitarios nun ye solo eso, porque na fiesta ta bien presente la gastronomía típica, que son principalmente la fabada y les casadielles, amás del panchón, un postre ayerán que tien como base pan d’escanda. Xunto a too esto, hai que remarcar que la organizadora d’esta celebración ye una de las pocas asociaciones que tienen el premiu Pueblu Exemplar d’Asturies nel so poder.
Asina que los Humanitarios ye una fiesta perfecta que na se xunten la solidaridá y la fiesta d’Asturies al rodiu de comida y bebida. ¡Nun la pierdas!
