Un añu más, al traviés de la plataforma d’ociu y turismu VerAsturies, los productos gastronómicos asturianos van tener el so espaciu físicu na 67 Feria Internacional de Muestres d’Asturies. Va ser nel pabellón 3-4, concretamente nel Stand 58. Ellí, delles marques col sellu de producción asturiana van amosar les sos referencies gastronómiques nun espaciu que ye’l meyor espeyu pa causar interés al visitante. Estos son los productos d’Asturies nesta edición nueva de la FIDMA.
Tiffany & Cake
Tiffany and Cake ye una empresa asturiana fundada en 2011 asitiada en plenu centru d'Uviéu. Cunta col so propiu obrador aptu pa celíacos y, amás de venta directa, ufierten servicios de catering. Dende fai más d'una década son un referente nel sector de la repostería creativa a nivel estatal, ellaborando tartes espectaculares con diseños personalizaos pa eventos de toa mena. Vienden productos de diseñu d'alta calidá, auténtiques obres d'arte inspiraes nos desafíos solicitaos polos más inconformistes y esixentes. Dientro de la so estensa gama, vais poder atopar meses duces, tartes personalizaes, tartes decoraes a mano, galletes decoraes, catering duce, pastelería tradicional, macarons, florentines, shots de postres, bizcochos de chicolate… ¡Y munches más llambionaes!
Asturias Best Berries
Asturias Best Berries naz en 2017 como un proyectu familiar dedicáu al cultivu del arándanu per aciu d’una producción 100% ecolóxica y respetuosa col medioambiente, llibre de productos químicos que perxudiquen la nuesa salú. El plantíu tien cinco variedaes d'arándanos: Duke, Top Shelf, Aurora, Cargu y Last Call, con distintes feches de maduración de les bagues, lo que dexa una recueya gradiada y ufierta al consumidor un productu frescu per un períodu de tiempu más llargu. Los arándanos d'Asturies Best Berries son abonaos con fertilizantes 100% naturales. Minimizamos la nuesa buelga medioambiental con una xestión responsable de toles nueses borrafes y un usu eficiente de l'agua de lluvia y paneles solares. La recoyida del arándanu d'Asturias Best Berries faise de forma manual, envásase nes instalaciones del nuesu mesmu plantíu y únviase al consumidor nunes poques hores.
Miravalles
Asitiada na mariña asturiana, con una llarga tradición na ellaboración de semiconserveas y productos derivaos de la pesca, en Miravalles solo trabayen con materies primes de primer calidá y 100% naturales, ensin aditivos nin conservantes, fabricando los sos productos de forma totalmente artesanal. Tantou'l filetéu del bocarte como l’envasáu realícense manualmente, lo que-yos confier un sabor especial. Pol so sabor intensu y la so testura nidia toes les sos conserves son fabricaes con Bocarte del Cantábricu. El procesu de caltenimientu llévase a cabu con productos naturales como l'aceite y el vinagre de mazana asturiana. El bocarte utilizáu nos nuesos productos tien un altu conteníu n'ácidos grasos omega3.
Quesería La Corona
Na quesería La Corona, asitiada nel pueblu d’Intriago nel conceyu de Cangues d'Onís ellaboren quesu gamonéu de la variedá del Valle y del Puertu. De tradición familiar esta quesería rexentada por Manuel Valle y Menchu María utiliza’l lleche de los sos propios rebaños de vaques roxes de la montaña y casina pa ellaborar los sos quesos. La maduración tien llugar en cueves naturales de los Picos d'Europa. Disponen de quesos con distintes maduraciones na cueva: 7meses, 9 meses o 12 meses. La quesería ta dientro de la regulación de Denominación d’Orixe Protexíu Gamonéu, daqué que-yos da’l sellu de producir un productu de mui bona calidá. ¡Nun puedes marchar d’esti stand ensin prebar un pocu del so quesu!
