Llugares emblemáticos de la lliteratura asturiana 

Esta selmana celebrase la 42ª Selmana de les Lletres Asturianes. Esti añu va rindir homenaxe al escritor y antiguu miembru de l'academia de la Llingua Asturiana, Nel Amaro. N'Asturies, hai dellos llugares emblemáticos de la lliteratura na nuesa llingua que merez la pena conocer.

El Valdés de Nené Losada

Trátase d'un mapa nel que s'indiquen unes 22 localizaciones rellacionaes cola vida y obra d'esta escritora valdesana que siempres tuvo bien en cuenta la promoción de les lletres asturianes. Empieza nel llugar nel que nació, la cai Caleros, y percuerre diversos llugares emblemáticos del conceyu como «La Fonte’l Bruxo». Los demás llugares parten per distintos puntos d'esti conceyu. Ente ellos destaquen el campu de San Timoteo, el pueblu de Argumoso, Brieves y Trevías, Llendelabarca y San Feliz o la ermita de la Virxe de les Nieves. Estos pueblos y llugares tán presentes en munchos de los sos trabayos y d'esta forma, pueden conocese los escenarios reales nos que trescurríen estos rellatos.

Por Nueva de Llanes de la mano de «Nel y Flor»

José García Peláez foi un de los poetes asturianos más destacaos que nació y creció nel conceyu llaniscu. Considérase-y como un renovador de la lliteratura n'asturianu. Una de les sos obres más famoses ye «Nel y Flor» y la mayoría de los sos testos tán ambientaos en distintos llugares de la so tierra natal. En concretu, nel pueblu de Nueva, onde creció. Esti pueblu foi declaráu como «Pueblu más guapu d'Asturies» nel primer concursu rexonal celebráu nel añu 1953. Destaquen escenarios como los barrios de Triana y Robazón. Tamién tien bien presente'l ríu Ereba, al que dedicó dellos poemes.

Ruta pol Asturianu en Xixón

Esta ruta tien la finalidá de dar a conocer la figura de les persones que tuvieron rellacionaes cola Llingua Asturiana de dalguna forma. Tratase d'un paséu en bicicleta d'unos 7’5 kilómetros de percorríu pela ciudá de Xixón, percorriendo distintes cais o llugares que lleven nome d'escritores asturianos. En delles paraes lleen dellos testos sobro la vida d'estes personalidaes. Dalgunos de el autores que dan sentíu a esti percorríu son Xosefa Xovellanos, Pachín de Melás, Pín de Pría, Teodoro Cuesta o Melchor Gaspar de Xovellanos. Ye una manera distinta de conocer un pocu más sobre la cultura lliteraria d'Asturies y dellos rincones de la ciudá de Xixón. Esta ruta realizose mientres los años 2018 y 2019.