Mapi Quintana presenta pela primer vez n’Asturies Música pa tornar páxaros, nun conciertu que va ufiertar el 3 d’avientu, a les 20:30 hores, nel Teatru de la Llaboral. Esta obra musical incluye un repertoriu compuestu a costafecha pal conciertu inaugural del Festival Intercélticu de Lorient, onde Asturies foi la convidada d’honor
Los más de los temes tán escritos n’asturianu y inclúyese un cantar en castellanu de Cris Zagaleja, autora y panderetera vallisoletana. El repertoriu contién principalmente música orixinal, anque tamién hai cantares tradicionales de Ḷḷena, conceyu de la propia Mapi Quintana.
Van sentise melodíes asturianes a trés voces, onde l’harmonía va llevar al públicu a dómines más modernes y estétiques, inspiraes principalmente na música impresionista y el jazz. Tamién va haber espaciu pa la improvisación, tanto solista como en grupu.
Mapi Quintana va tar acompañada nel escenariu por César Latorre (pianu), Sonia Cartón (voz y sintetizador), María Sanmiguel (voz y violín), Thomas Welvaadt (trompeta) y Juanjo Díaz (percusión). L’arte visual de Marina Durany tamién va tener una relevancia especial nesti conciertu, completando estéticamente la escena y representando visualmente les emociones que tresmiten los cantares de Música pa tornar páxaros. L’espectáculu rinde homenaxe al artista desapaecíu Elías García y a toles persones que nos dexaron nestos últimos años de pandemia.
La entrada a este concierto es gratuita, previa retirada de invitaciones en la Recepción de la Laboral, en el Centro de Información Turística del Principado de Asturias (CITPA) en Oviedo, en el Centro Niemeyer en Avilés, en el teléfono 952 076 262, en unientradas.es y en la web de Laboral Ciudad de la Cultura.