Marcos Vega ye periodista y espertu en llocución audiovisual. Trabayó en Noticias Fin de Semana de Onda Cero, nos informativos de TPA y dende va ocho años dirixe y presenta’l programa «Noche tras noche» na RPA. Xixonés viviendo n’Uviéu; es fíu d’ún de Sotrondio y una d’Oviñana, y antiguu estremu izquierdu del CODEMA.
Un llugar pa perdese una fin de selmana…
Bilbao. Buena comida, una ciudá cómoda y bellísima, a tiru piedra, y que xunta una colección d’arte envidiable ente’l Guggenheim y el Bellas Artes.
Un llugar pa vivir…
Xixón. Sobre too si tienes perru.
Un platu…
Los calamares en su tinta de mi madre. Con patates frites, claro. Y completolo con unos bollinos preñaos del Horno de Gusmaín.
Un postre…
Una tarta d’eses qu’agora meten en vasinos de cristal. Faenla nuna confitería de Xixón, “The little toffe”, y ye un tiramisú de cerveza. Llamenlo “birramisú”.
Una playa pa pasar el día…
La mía: La Concha de Artedo. Una playa xabaz y pura, pa pasar el día o la vida entera.
Un pueblín que nun podemos dexar de ver…
Santolaya d’Ozcos y alrededores. Un viaxe a otru mundu.
Un chigre pa tomar unos culinos…
El Yolimar, en Artedo. Con pulpo y chipirones pa picar.
Un parque natural pa visitar…
Voi ser poco orixinal: Les Ubiñes-La Mesa. Osos, venaos, fayedales y, amás, hestoria col Camín Real. Una maravilla.
Una fiesta a la que nun faltar…
Les fiestes de La China, en Lamuño.
Un muséu pa recomendar…
El nuesu muséu de Bellas Artes. Un maravilloso llaberintu que guarda dalgunos de los artistes más importantes del mundu. Ye nuestru, ye incomparable y ye gratis.
Un momentu de la hestoria d’Asturies que te prestaría vivir…
Los cuerpos de La Alarma. Aquellos campesinos que s’armaron con gadañes y fesories pa enfrentase al meyor exércitu del mundu en 1810. Pocos episodios tan épicos contempló Napoleón Bonaparte.
Un baille pa pasalo bien…
Cualquiera de “Los Inhumanos” (güei, Banda del Capitán Canalla, creo) nes fiestes de Salamir en los 90’s. Muncho meyor qu’aquel conciertu de los Rolling nel que llovió y al que al parecer asistió media España.
Una pallabra n’asturianu que te preste…
Estrapallar. Pocas tan onomatopéyicas.
Una tradición que nun pue perdese…
Cantar el Asturias de Víctor Manuel pa cerrar toles bodes y folixes.
Una espresión n’asturianu que te preste…
“Comes más pol güeyu que por el botiellu”. De´ciamelo mio güela de guah.e cuando me servía demasiao. Xusto enantes de servime ella anque estuviera llenu, claro.
