Margarita Salas nació na parroquia de Caneiru en 1938 y ye un de les cientifiques más importantes del mundu. Mañana siete de payares va ser el so primer cabudañu, y queremos homenaxeala repasando brevemente la so vida.
Integróse nes ciencies de la medicina de bien xoven pola mor del so pá magar que por aquel entós yera un mundo nel que nun taba bien visto que se metieren les muyeres. A los 16 años marchó a estudiar a Madrid y en 1958 conoció a Severo Ochoa, del que fue discípula.
Dempués de colar pa los Estaos Xuníos en 1964, fixo grandes avances na bioloxía molescular xunto col so home: Eladio Viñuela. Ente los sos llogros destaca’l del descubrimientu del ADN polimerasa, una proteína esencial pal desarrollu de la inxeniería xenética y que tien delles y mui importantes aplicaciones na biomedicina.
Nos caberos años de la so vida foi profesora “ad honorem” nel centru de bioloxía molecular Severo Ochoa en Madrid y tien dellos premios y reconocimientos poles sos investigaciones científiques.
Otru llogru personal importante foi el de ser la primer muyer asturiana n’ingresar na academia nacional de les ciencies de los Estaos Xuníos. Y ye que nun podemos escaecer que Margarita metióse nun mundo d’homes, consiguiendo abrir camín pa delles muyeres. Sobre esto, llegó a dicir:
Nun futuru non demasiáu llonxanu, yo pongo quince años, la muyer va ocupar nel mundu científicu'l llugar que-y correspuenda acordies con la so capacidá y el so trabayu. Yo creo qu'ensin cuotes vamos llegar, lo que quiero ye que nun heba discriminación negativa pol fechu de ser muyerPienso, luego existo. La 2 de RTVE, 15 de julio de 2013]
El so esfuerzu por facer d’esti un mundo más fácil y meyor pa toos y pa toes, nun tien de ser escaecíu, más en tiempos onde les investigaciones son más esenciales que nunca.