Dende principios del 2000 hasta l'actualidá la Felguerina Marisa Valle Roso acumuló numberosos ésitos al so llombu, llegando a cambiar el sentíu de la tonada tal y como la conocemos.
N'empezando de la mano d'Alfredo Canga, participando en concursos y programes de tonada, esta reconocida cantante asturiana consiguió llanzar el so primer albúm en solitariu a finales de 2011, “De lo fondero l’alma”, qu'incluyía cantares cola esencia de la tonada asturiana y esi toque personal que-y pon a cada proyectu qu'empezaba a desenvolver y que marcaría un antes y un dempués na so carrera musical.
Na so xira “Marisa canta a..” en 2015, empezó a versionar cantares de grandes artistes como Chavela Vargas y foi un añu dempués, na xira “Suena la mía”, cuando introdució un repertoriu de cantares dedicaos a la minería d'autores como Violeta Parra o Camarón, llegando a participar nel so zarru de xira conocíos compositores asturianos como Nuberu o Victor Manuel.
En 2017 dexó a un llau la concepción de tonada a la que los sos siguidores taben acostumaos a escuchar ya innovó fundiendo'l folclore tradicional col xéneru pop ya indie, publicando'l discu «Consciente».
En relación a esto, nuna entrevista llegó a destacar qu'esti proyectu yera lo más personal qu'había llanzáo y que recueye tola influencia y esperiencia que foi ganando a lo llargo de la so carrera, componiendo cantares propios y trabayando conxuntamente con artistes colos que collaborara enantes.
Amás, col so últimu llanzamientu, “Títere o esclava”, quixo realizar la so aportación como una denuncia a la violencia machista.
El so ésitu non queda namás demostráu col conxuntu de premios que lleva recoyíos dende 2003 tantu nos meyores concursos de tonada, como “Asturiana del mes” o como “Mejor voz del años”, ente otros. Si non que tamién se debe a l'aportación que realiza a la música asturiana, evolucionando y dándo-y una nueva imaxe pa llegar a un públicu mayor y dase a conocer pero calteniendo siempres esa esencia que caracteriza a la tonada, que cunte una hestoria que consiga emocionate y tresportate a esa dómina.
