Yá ye branu n'Asturies y, un añu más, abrese en Xixón cola vuelta del festival Metrópoli. Toa una referencia de la dómina braniza de la villa qu'inclúi Cómic Con, gastronomía, tendencies, música de tolos estilos, cine de ciencia ficción… Too tipu d'actividaes y espectáculos pa reciella y mayores que resulten un estilu de vida, amás d'una manera de facer les coses. Nun hai dulda de que nun hai otru festival igual, qu'englobe prácticamente toes y cada una de les árees que componen un conceutu tan ampliu y tan atrayente como ye'l del entretenimientu. El festival va celebrar nel Recintu Ferial Luis Adaro de Xixón, del 1 al 10 de xunetu, y espera ser, un añu más, un gran ésitu.

Si quies allegar dellos díes al festival, puedes adquirir l'abonu xeneral o l'abonu Comic na so páxina web o nesti enllaz. faciendo click equí . Col abonu vas tener un accesu aseguráu al festival (por cuestiones de seguridá y aforu, esiste un númberu llindáu d'entraes diaries que van salir a la vienta), amás de que resulta más económicu que la entrada diaria, sobremanera si quies aportar dellos díes. Amás, vas tener una pulsera pa entrar y salir cuando quieras, ente que la entrada diaria ufierta un únicu accesu al recintu. L'abonu va date tamién accesu a tolos conciertos, esposiciones y otres actividaes ensin gastos añedíos (sacante toos aquellos espectáculos qu'asina lo riquir como los d'humor y maxa, que se celebren nel Auditoriu). L'horariu del festival va ser de llunes a vienres de 17:00 a 4:00 y sábados y domingos de 12:00 a 4:00.

Ente les sos múltiples actividaes, Metrópoli ufierta un rincón de Comic Con que, como cada añu, va recoyer zones nes que la cultura K-Pop, Youtubers, cómics y tou tipu de xuegos de mesa van ser protagonistes. Amás de destacar pases, concursos de cosplay y esposiciones de los artistes de cómic más prometedores, vamos recibir a personalidaes como Josh Herdman (actor de la saga Harry Potter), l'autora y dibuxante de cómics María Hesse, que va presentar el so nuevu trabayu Malas Mujeres, o la cosplayer y artista española Ayuru. Tocantes a conciertos, Metrópoli trai de nuevu a dalgún de los músicos más relevantes de los últimos tiempos, como Loquillo (sábadu 2 de xunetu), el grupu Marlon (llunes 4 de xunetu), Calamaro (martes 5 de xunetu) o Victxria Txrmenta (sábadu 9 de xunetu), ente otros. Puedes consultar el resto d'actuaciones nesti enllaz faciendo click equí..

L'entretenimientu veraniegu en Xixón tien un nome: Metrópoli. Non te pierdas la ocasión d'abrir de la meyor manera posible anguaño les tos vacaciones.