La tercer temporada remata con una visita al Muséu de la Sidra d’Asturies y la recuperación d’una tradición sidrera con Xosé Ambás y Ramses Ilesies

La televisión pública asturiana (TPA) emitirá este jueves 10 de noviembre a las 23:30 un capítulo especial para terminarla tercera temporada de Mundu Sidreru, el programa dedicado a la cultura sidrera, que presenta el periodista Inaciu Galán. Después de 10 capítulos en los que el programa ha visitado llagares, ha dado a conocer la actualidad de la sidra y elementos de la historia y la tradición, el último programa, con unos diez minutos más de duración, dedicará especial atención a la tradición sidrera desde diferentes puntos de vista. 

El programa, que cunta cola collaboración de la DOP Sidra d’Asturies, ábrese nesti capítulu final con una entrevista col etnógrafu y divulgador de la tradición Xosé Ambás, presentador del esitosu programa Camín de cantares, en TPA. 

Inaciu Galán acércase nesta ocasión el Muséu de la Sidra d’Asturies, un auténticu templu de la cultura sidrera, asitiáu en Nava y que nestos momentos ta peslláu al públicu, pa facer una visita completa cola so guía Delmi Vázquez.

El momentu más especial del programa va pasar pela más pura tradición sidrera, cola ayuda de Xosé Ambás y Ramses Ilesies, el programa visita un vieyu llagar en desusu dende va más de sesenta años en Tiñana. Ellí, coles dos muyeres que viven na casa y que conocieron el llagar en funcionamientu, vamos ver de cerca’l so testimoniu sobre una tradición poco conocida, la de los “cantares de pisar o mayar”, que s’interpretaben a lo menos nesta zona, nel momentu de la mayanza, cuando se pasaben hores y hores de duru y repetitivu trabayu. 

El programa va tener tamién espaciu pa una nueva receta sidrera del Club de les Guisanderes d'Asturies, que conocen abondo les posibilidaes de la Sidra d'Asturies combinando colos productos asturianos más variaos. 

El programa va tener tamién un momentu pa falar de la Denominación d’Orixe, posándose nesta ocasión nel llabor de los inspectores del Conseyu Regulador de la Sidra d’Asturies, dientro de los llagares. 

Con esti programa acaba la tercer temporada de Mundu Sidreru, programa producíu por Cuatro Gotes Producciones. Nesta edición pasaron pel espaciu figures como los presentadores Pedro Durán, Ana Francisco, Camilo Sousa o Arantxa Margolles, los cantantes Luis Núñez, Silvia Quesada y Beatriz, el pilotu de rallies Jose Antonio “Cohete” y la escritora Pilar Sánchez Vicente. 

Inaciu Galán, presentador y director del programa, mostróse mui satisfechu col resultáu de la temporada, “paezme que volvimos a consiguir poner en valir la importancia de la cultura sidrera p’Asturies y la necesidá d’enfrentar al futuru dende la garantía que supón una denominación d’orixe”. Sobre’l programa final muéstrase entusiasmáu, “paezme que tamos énte un capítulu únicu, un verdaderu regalu que nos faen Xosé Ambás y Ramses Ilesies, yá que vamos ver de cerca un testimoniu únicu y que poles edaes de les informantes, Gregoria y Nedi, ye difícil d’atopar yá. Ye un homenaxe a les persones que permitieron tresmitir la cultura sidrera hasta güei y dexanos un patrimoniu únicu que dalgún día, más pronto que tarde, sedrá Patrimoniu de la Humanidá”.