Entrando la seronda a les nueses vides, hai daqué que nun podemos negar n'Asturies: la castaña entra a formar parte de la nuesa gastronomía. Un bon exemplu de too esto ye l'amagüestu, esa celebración na que nos reunimos cola escusa de comer castañes y sidre dulce.

Pa tantos deliciosos platos realizaos con esti frutu o pa celebraciones como la qu'acabamos de mentar ye necesariu dir a la gueta, esto ye, salir al monte en busca de castañales que soltaren los sos frutos. Esti actu convirtióse yá nuna tradición y son dellos los grupos vecinales que s'axunten non solo na mesma celebración serondiega, sinón tamién pa buscar el deliciosu manxar escondío ente les fueyes cayíes.

Si quies esfrutar de dalguna celebración, en L’Entregu ye La Semiente la organización qu'entama'l Amagüestu y la busca de castañes nos díes anteriores. En 2022 va festexase na tarde del 21 d'ochobre, a partir de les 17:30 hores. Si te gusten les castañes, esta ye la to fiesta.