Paloma Uría Ríos, pionera del movimientu feminista n'Asturies, nació n'Uviéu en 1943. Ye doctora pola Universidá d'Uviéu y profesora xubilada d'Institutu d'Enseñanza Secundaria.
Participó na so mocedá na llucha antifranquista y collaboró dende los sos entamos nel movimientu feminista: ye cofundadora de l'Asociación Feminista d'Asturies, participó activamente nes diverses xornaes d'alderique del movimientu feminista y anguaño intégrase na corriente d'opinión Otras Voces Feministas.
Forma parte del colectivu asturianu Lliberación, venceyáu a accionenred, y foi diputada por Izquierda Xunida na Xunta Xeneral de Asturies. Dos campos ocupen principalmente la so atención académica: la lliteratura y el feminismu. Sobre estos temes impartió numberosos cursos y presentó ponencies en congresos, xornaes y seminarios. Publicó na revista Astura, Página Abierta y Disenso. Ye coautora del llibru Polémicas Feministas (1985) y collaboró n'otres publicaciones con testos como “Valor y miedo de Arturo Barea” (Literatura en la guerra civil. Madrid, 1936-1939.)” y “Celia en la revolución” (Sesenta años después. El exilio literario asturiano de 1939). Publicó nel 2004 En tiempos de Antoñita la fantástica, que ye una adaptación de la so tesis doctoral, “La narrativa para niñas y adolescentes en la posguerra española (1939-1959)”.