El verano es sinónimo de playa… ¡o montaña! En VerAsturies no nos decidimos por ninguna de las dos opciones, pero hoy te traemos 3 playas que no pueden faltar en tu verano asturiano. Y si con estas no te parecen suficientes, equí tienes dalguna más..
Sablera de Rodiles
La sablera de Rodiles, nel conceyu de Villaviciosa, ye una de les sableres más úniques y distintes que podemos visitar en Asturies. Esti arenal alcuéntrase na desembocadura de la ría de Villaviciosa, lo que-y dexa tener un paséu marítimu de madera que trescurre por una de les marxes d'esta ría con unes vistes estupendes. Pero non solo eso, sinón qu'el so espaciu arboláu dexen folgar a la solombra, polo que ye un llugar perfectu pa los díes de más calor.
Sablera de Ballota
La sablera de Ballota tien como peculiaridá un potente bufón activu nos díes de folaxe, conocíu como'l bufón de Santa Clara. En pleamar, la zona de sable cúbrese casi por completu dexando como resultáu una sablera de bolos y roques. Alcuéntrase nel conceyu de Llanes y frente a ella asítiase'l castru conocíu como Castru Ballota, que la caracteriza. Prácticamente al llau, atópase la sablera de Andrín, otra de les guapes sableres que tenemos n'Asturies.
Sablera de Guadamía
La sablera de Guadamía, que marca la llende ente los conceyos de Ribeseya y Llanes, ye un escelente exemplu de lo que la mar y la so agua pueden facer nel paisaxe marín. Guadamía ye una canal escavada pol efectu del mar y les sos marees. La desembocadura del ríu Guadamía y los cantiles coles sos cueves, faen de Guadamía una sablera distinta. Nun puede faltar na to llista de sableres. Nesta zona vamos poder esfrutar tamién de los denominaos bufones, anque'l so meyor espectáculu produzse pel iviernu cuando hai temporal.
