Pocos sitios tamos echando más de menos nestes feches que Payares. Y ye que nestes feches, falar de Payares, ye falar de ñeve. D’esos paisaxes blancos nos que neños y non tan neños esfruten de xugar, tirase nun trinéu o simplemente quedar ablucaos con cómo’l paisaxe se viste de gala d’una forma que fai que’l fríu mereza la pena.
Qué lloñe paecen nestos tiempos los fines de selmana nos que marchábemos a la estación de Valgrande-Payares. La estación de nieve tien la llocalización perfecta pa ser accesible tanto pa la población d’Asturies como pa la de Llión, tando a 60 kms de les capitales d’ambos llugares.
Esti puertu xunión ente Asturies y Llión foi demientres munchos años protagonista de les semeyes más ablucantes que se pudieren facer. Incluso si dibes de pasu, yendo d’Asturies a Llión pa tornar al trabayu o al to llar habitual, una parada a facer la semeya a la ñeve, o un selfie cola ñeve de fondo yera siempre cuasi obligatorio. Con una sonrisa que facía xuego col blancu d’aquel paisaxe.
Anguaño, primer añu en munchu tiempu que nun podemos acudir a él, quédenos los recuerdos, les semeyes, la señardá por esa mezcla de frío ya ilusión por contemplar los montes de Payares ñevaos y aguantar cola promesa de que’l añu que vien, por fin, podremos volver a disfrutar d’esi fríu tan cálidu.