Güei traémosvos una de les rutes más conocíes d'Asturies. Esta ruta llevase a cabu con un ampliu percorríu poles meyores sableres del cordal Cantábricu.
La sienda empieza en Villaviciosa, na Playa de la Ñora, xubiendo per una escalinata para llegar a un mirador onde esfrutar d'unes maraviyoses vistes del mar Cantábricu qu'ayuden a garrar fuerces pa los casi 10 kms de ruta que queden per delantre.
En siguiendo cola xubida llegamos a un área de descansu onde empieza'l descensu hasta les proximidaes de la Playa Estaño, per onde se va deber de cruciar el regueru pa algamar el rasu de la cota costera.
Dexando tras les vistes a alcantilados y a les sableres de La Cagonera y Serín, hai que parar pola Colina del Cuervo qu'arrodia la sablera de Peñarrubia y llevate a una zona onde puedes descansar y recuperar fuerces pa rematar.
Hai que destacar qu'al siguir baxando per El Rinconín pases al pie de la casa de la escritora asturiana Rosario Acuña. El descensu va rematar al llegar a una sablera de quixarros, arrodiando'l pedreru de la Bahía de San Lorenzo y empieza un paséu marítimu hasta'l puntu final d'esta ruta, la ponte del Piles.
Pa terminar esta sienda percuerre'l paséu de la Playa de San Lorenzo, coles vistes qu'acompañen, hasta'l cuetu de Santa Catalina llegando hasta la Iglesia de San Pedro asitiáu a la fin del Muro de San Lorenzo. Ponemos puntu final al percorríu n'algamando'l puertu deportivu de Fomento y esfrutar de les vistes de la ciudá xixonesa.