Ayeri Ribeseya foi protagonista nel programa Masterchef, premiáu col premiu Ondas a meyor programa d'entretenimientu 2020.

L'equipu del programa tuvo la oportunidá d'esfrutar del paisaxe, la gastronomía y la cultura asturiana. L'espaciu cuntó cola collaboración de los cocineros Marcos y Pedro Morán y María Busta. Tampoco faltó'l piragüísta olímpicu Saúl Craviotto, ganador de la segunda edición del programa.

Masterchef, que tuvo como protagonistes la sablera de Ribeseya y el preciosu paséu de la Marina, trató de mostrar al mundu Asturies en tola so rellumanza, incluyida la so llingua… o polo menos intentaronlo.

La cuantimenos interesante forma de falar la nuesa llingua de la xuez Samantha nun pasó desapercibida pa los asturianos. Nin siquier pa la plataforma Iniciativa pol Asturianu, que tiró d'ironía y aprovechó esti momentu pa promocionar los sos cursos de llingua asturiana online nes redes sociales. A pesar d'ello, agradecieron l'intentu. Y ye qu'a la fin, lo que cunta ye la intención.