Dir a un restaurante y esfrutar d'una bona comida casera, ye daqué que nos presta a toos. Anque coles midíes que se tomaron pa protexenos del andanciu que tamos viviendo pueda paecer una fantasía, entá podemos esfrutar en casa de los fogones de la SIDRERÍA SPORTING. Como yá fixo na pasada cuarentena, ufiértanos los meyores manxares a domicilio pa poder deleitanos de la bona comida fecha por profesionales de siempre.
El so personal sigue trabayando cola mesma profesionalidá y cumpliendo con toles garantíes sanitaries pa llevate a casa los sos meyores platos. La carta ufierta una amplia variedá d'ensalaes y raciones ente les que nun falten los fritos de merluza y pixín, el pulpu a la galega o a la brasa y les croquetes caseres de xamón y picadillu.
Por supuestu, nuna bona comida d'un bon restaurante nun puede faltar el mariscu. SIDRERÍA SPORTING te ufierta la posibilidá de llevar de la mar a la to casa centollos, ñocles, andaricas… Amás d'ufiertar un arroz con bugre esquisitu. Y del mar, nun puede faltar una bona variedá de pexe, el cuál ellabórase previu encargu pa garantizar la so frescura al cocinalo. Pa consultar esistencies , aconseyamos ponese en contactu con ellos y escoyer pieza según mercáu.
Tampoco falten les meyores carnes. El cachopu ye la gran estrella d'una carta na que nun falten los escalopines, la paletiya o la pierna de llechal, la xata guisada nin les cebolles rellenes… Amás ufierten una variada selección de quesos asturianos: Cabrales, La Peral, La Fueya, quesu de Pría… Tamién podemos tastiar un esquisitu menú que varia selmanalmente.
Puedes consultar la carta na so páxina de Facebook y realizar el to pidíu o solicitar más información llamando per teléfonu al 985 36 46 31 o a traviés de WhatsApp escribiendo un mensaxe al 678 54 26 82. Tamién puedes atopalos n'Instagram (@carlosdesidreriasporting). ¡Qu'aprofite!
