Fina a los sos 86 años María Pilar Esther Fernández Fernández, más conocida como Sor Canción. Una de les pioneres españoles en saltar a la fama como cantautora de les cantares populares.
Nacida na localidá de Cuergo, a los sos 17 años internó nel Conventu San Pelayo, onde empezó a saca-y partíu a la so creatividá creando ésitos como “El niñu diz que tien sed” y “Los tres reis magos”. Participó na creación del coru de persones mayores de Moreda con “Jóvenes Misioneros”, un tema personalizáu pa ellos.
Nesos tiempos llegó a grabar cinco discos ente 1962 y 1967, que fueron mui galardonaos versionándose por otros artistes conocíos na música asturiana, como Nuberu y apaeciendo en grandes plataformes como en TVE.
Magar de dexar el conventu pola enfermedá de la so ma tuvo “entregada siempre a su fe y a la comunidad”según comentaba Esperanza del Fueyo.
Ye allabada pol usu del asturianu nun momentu nel que nun taba tan reconocíu como na actualidá y nuna dómina onde ser muyer y reconocida públicamente nun taba nel orde del día.
Por ello, dende Iniciativa pol Asturianu llamentaron el so fallecimientu de tal manera qu'esplicaben que “contaba con unas cualidades musicales extraordinarias, que puso al servicio de Asturies” y onde puntuaba que “la cultura asturiana tiene una gran deuda con esta mujer, por todo el trabajo que hizo por promocionar desde su visión la lengua asturiana”.
Ensin dulda, finó un de los grandes personaxes culturales que lleven nel so nome l'ésitu y l'usu del asturianu coyíos de la mano
Coincidimos en que'l legáu que tenemos de caltener de Sor Cantar ye l'actualizar y publicar les sos obres, partitures y cantares por que nun cayan nel olvidu uno gran parte de la hestoria de la cultura asturiana.
Como ye unu de los sos versos más conocíos, col que cerramos esti pequenu homenaxe: “Van caminando per un Camín / Van entrugando por un rapacín”
