Maria Antonia Is Piñera, más conocida como Toña Is nació n'Uviéu en 1966 y ye l'actual entrenadora del Pachuca Femenil, equipu que compite na Primer División Femenil de México. Pero para llegar a onde ta agora, la so carrera deportiva pasó por delles fases.
Empezó xugando al fútbol colos sos hermanos nel famosu barriu de La Corredoria, hasta qu'a los 14 años empezó a entrenar con un equipu femenín.
Consiguió defender la camiseta de la Selección Femenina en 33 partíos, desque debutó nel 89. Nesa dómina, destacó'l partíu del 94 nel que vencieron a Eslovenia dexando'l marcador 17-0 y consiguir la medaya de bronce na Eurocopa de 1997.
Tres estos acontecimientos colgó les botes de xuegu pero nun marchó lloñe de los campos. Empezó a entrenar a les categoríes inferiores del equipu onde empezó, el. Oviedo Moderno, llegando a convertise na primer muyer entrenadora dientro de la Federación Española.
Ser l'ayudante de Pedro López nel campeonatu d'Europa del que salieron victoriosos foi l'empiezu d'una llista de competiciones ganaes pola asturiana. Quepe destacar qu'en 2018 la so selección consiguió proclamase campeona d'Europa, lo que-y abriría les puertes a ganar el Mundial Sub-17 Femenino que s'apostó n'avientu del mesmu añu.
En 2019 foi incluyida pola FIFA ente les diez candidatures al premiu «The Best», dedicáu al meyor entrenador/a de la temporada de Fútbol Femenino y ye que la mesma Toñi considera que tuvo la suerte de ser pionera en munches coses, dientro y fora d'España, y qu'a lo último, ye abrir camín para otres compañeres o inclusive para la so fía, Paula Suárez, que se considera una de les grandes promeses del fútbol femenino n'Asturies.
