Güei traémosvos un top 4 perfectu pa la dómina del añu na qu'atopamos, les bebíes refrescantes asturianes que casen perbién col branu.
Sidra.
En primer llugar tenemos la denominada por excelencia como «Bebida d'Asturies». Tratase d'una bebida alcohólica de baxa graduación fecha cola fermentadura del zusmiu de la mazana.
Esta bebida ta presente na mayor parte del mundu, y ye que, dalgo tendrá pa que-y guste a tanta xente. Podemos atopala en cualquier sidrería y supermercaos, y tienes un ampliu abanicu de variedaes, como la duce o l'axampanada, y munches marques distintes que sirven lo meyor de cada llagar. Pero la meyor, ensin dulda ye la d'equí, la de Denominación d'orixe protexío (DOP).
Sangría
Siguiendo la llínea de la bebida anterior atopamonos cola Sangría, que puede ser tantu de vinu como de mazana. Ta considerada como la bebida del branu, porque a a par que refrescante tien un sabor duce que marca les alcordances d'esta dómina braniza.
Esta bebida ye d'ellaboración casera, entemeciendo los ingredientes tradicionales y sirviéndola al intre. Lo común ye que puedas acompañar les comíes o cenes en cualesquier chigre asturianu con esta bébora.
Cerveza
Pasándonos al bandu contrariu, nesti top atópase la cerveza asturiano, que caracterízase por ellaborase de manera tradicional y con ingredientes 100% de la nuesa tierra.
Ye demandada pol so característicu sabor, distintu a toles cerveces que s'atopen anguaño nel mercáu. Amás, esiste variedá de productu en función de los ingredientes y ellaboraciones coles que la lleven a cabu.
Hidromiel
Camudando totalmente de rangu, entra nesti top4 la última novedá, la hidromiel. Esta bébora surde de la combinación d'agua y miel, ensin más ingredientes nin aditivos.
Una bebida totalmente orixinal, que'l so únicu requisitu pa consumir ye que se sirva totalmente fría. Amás, tratase d'una bebida ensin gluten y ellaborada totalmente de manera artesanal.
