Llega'l Nadal y con él, numberoses hestories, lleendes y mitos alredor d'esti períodu tan especial. Les celebraciones y costumes son distintes según el país o inclusive la zona.

N'Asturies tenemos delles tradiciones navidiegues. Güei presentámosvos Los Aguilandos o Mazcaraes d'Iviernu. Los Aguilandos ye una tradición bien antigua non yá equí n'Asturies sinón en casi toa Europa y anque se celebra en Navidá, ye una fiesta de calter paganu.

Xeneralmente cuando s'oi falar de «aguilandos», suelse asociar a neños cantando villancicos. Sicasí, nesti casu tratase de xente enmazcarao que representen distintos personaxes estremaos nos curiosos (soldaos, Madames, mozos solteros…) y los que monten xaléu (Xardeneiru, Xamascón, Bexigueiro…).

Estos personaxes que desfilen poles cais de los pueblos representen fuerces de la naturaleza escures que nun pueden ser apoderaes pol ser humanu. Hai que congraciarse con ellos y que visiten los nuesos llares pa tener una bona entrada d'añu.

Ye importante tener en cuenta qu'anguaño pensamos nos años estremaos en 12 meses. Sicasí, esta tradición vien de tiempos paganos onde hai un mes muertu que ye'l mes de payares onde terminaba l'añu d'antiguo. Payares nes tradiciones paganes, coincidía col solsticiu d'iviernu, que nun yera otra cosa que la Navidá. Dempués d'esti períodu ivernizu llega'l Antroxu, qu'introduz l'añu nuevu.

Los trajes de los Aguilandos son variados, desde osos a diablos (aunque estos diablos no tienen nada que ver con la concepción que proyecta el cristianismo), pasando por La Cardadora, una anciana que va cardando lana, hilando la vida y, si se tercia, el pelo de los vecinos.

Los Aguilandos van percorriendo los pueblos, recitando cantares profanos, picajosos que nada tienen que ver con villancicos. Cunta la tradición que ye una desgracia que nun te visiten y qu'hai qu'atraelos, contentándo-yos y convidándo-yos a frixuelos, casadielles… sinón va ser un añu de mala suerte.

Esta tradición y otres, son ensin dulda una ayalga qu'entá pervive nos tiempos actuales gracies al esfuerzu ya ilusión de munches persones por caltener vives costumes históriques. Asina, en munchos pueblos sigue celebrándose esta tradición en feches destacaes como la Nuechebona, Navidá, Añu Nuevu o Antroxu. Estes tradiciones arriquecen a Asturies y la so cultura.