Conocemos munchos llugares d'Asturies que tienen una guapura inigualable y otros onde l'ociu ye una maraviya. Sicasí, más allá de les nueses fronteres atopamos llugares y planes pa pasar una bon fin de selmana conociendo más allá de los montes asturianos. Por eso, güei traémoste trés planes en dellos puntos de la península pa que prepares una escapada irrepetible.
Parque de Cabárceno
Una escapada a la nuesa vecina Cantabria siempres ye un bon plan. Nun supon un gran desplazamientu y les posibilidaes son infinites, anque nós, claramente, quedamos cola que nos ufierta'l Parque de Cabárceno. Asitiáu nuna antigua mina de fierro y a tan solo 17 kilómetros de Santander, tenemos esti centru de la naturaleza con una gran cantidá d'especies en réxime de semilibertad y con un terrén afayadizu al so hábitat natural. Esta visita ye siempres un placer pa los más pequenos de la casa, que van quedar estelaos con animales que vieron pola televisión o nos sos xuegos, pero tamién pa los mayores, pola posibilidá de ver especies que, d'otra manera, sería bien difícil reparar. ¿Te hemos convencido y visitarás el Parque de Cabárceno?
Puy du Fou España
Si lo tuyo ye la hestoria y la so cultura, entós el to plan pal fin de selmana ta en Toledo. Solamente la visita a la ciudá monumental yá paga la pena, con llugares como l'Alcázar o la catedral, ente otros, pero creemos qu'un bon complementu pa la to escapada ye visitar el show Puy do Fou, que cunta con cuatro pases diarios. Esta esperiencia, qu'arrincó n'España nel añu 2019 (anque la idea surde primeramente en Francia), trata de representar los principales momentos de la hestoria de la Península Ibérica al traviés d'espectáculos y escenarios increíbles que te dexarán cola boca abierta. Amás, vas poder pasiar poles cais de poblaos ambientados en distintes dómines, por que la inmersión histórica sía total. ¿Te animas a conocer un poco más sobre historia en Puy do Fou España?
Parque Warner Madrid
Un plan clásicu y completu ye una visita a Madrid. Pasiar pela Gran Vía, visitar dalgunos de los sos museos, como El Prado o el Reina Sofía… ¡y dir al Parque Warner! Esti parque temáticu, l'únicu n'España ambientáu nel mundu de Warner Bros, va acoyete pa que los más pequenos de la familia esfruten. Tamién los mayores vais pasar bonos momentos, porque sabemos que va salir el neñu que lleváis dientro cuando veáis a personaxes de la infancia, como Bugs Bunny o Piolín, ente otros munchos. Amás, si prefieres escoyer namás esti plan y quedate tol finde nel parque, vas tar encantáu d'escuchar qu'hai ufiertes especiales al acutar entrada y hotel, asina que nun hai escuses pa esfrutar cola familia d'un plan d'ociu en Madrid. ¿Preparados para vivir la magia del Parque Warner Madrid?
