Buen Suceso, Bombara y L-R cierren el cartelu del festival de música xixonés que se va celebrar del xueves 26 al sábadu 28 de payares y los conciertos podrán siguise al traviés del canal oficial del festival en Youtube (click equí) y na web oficial del Xixón Sound Festival. Amás puede consultase información de los artistes equí.

Buen Suceso, Bombara y L-R sumense a los yá confirmaos Bestiariu “Esbilla acústica”, Pauline en la Playa, TéCanela, Nacho Álvarez, Izaro, Drugos y Alfredo González pa la edición especial d'esti añu del Gijón Sound Festival. El festival xixonés, que primeramente diba tener llugar n'abril, adaptase a la nueva situación marcada pola Covid-19 y va celebrase en formatu virtual. El festival de música xixonés va ser del xueves 26 al sábadu 28 de payares y los conciertos van emitise, vía streaming, al traviés de la canal del festival en Youtube.

Tolos conciertos van emitise dende Laboral Ciudad de la Cultura. Los enllaces a cada un de los conciertos van publicase nes redes sociales y na web oficial del festival y nes redes sociales de Xixón Turismu. Los horarios d'emisión de los conciertos son:

XUEVES, 26 DE PAYARES

20:00h   Bestiariu “Esbilla acústica”

20:30h   Pauline en la Playa

21:00h   TéCanela

VIENTES, 27 DE PAYARES

20:00h   Nacho Álvarez         

20:30h   Izaro

21:00h   Alfredo González     

SÁBADU, 28 DE PAYARES

20:00h   Drugos

20:30h   L-R

21:00h   Bombara!

21:30h   Buen Suceso

Gijón Sound Festival ta entamáu por Divertia Gijón y producíu por Mestizo y sigue cola so collaboración col Festival Internacional de Cine de Xixón, col que coincide en feches.