La Cruz de Priena ta asitiada a lo cimero d'un de los montes qu'arrodien Cuadonga. Ye una buena opción de ruta pa cualquier dómina del añu y les vistes dende'l llugar son úniques.
La xubida hasta esti monte empieza na redoma del Santuariu dende un acomodáu senderu. Poco primero de llegar al mesmu Santuariu atopase un lletreru del Parque Natural qu'indica l'entamu de la ruta. Dende esti camín yá podrá esfrutase d'unes guapes vistes, qu'al llegar al cume convertiranse nunes vistes úniques y estraordinaries. Amás, va travesase un monte que na dómina de la seronda conviértese nun llugar pa esfrutar de los sos guapos colores. El trayectu dura aprosimao una hora a bon pasu.
Dende lo alto de puede vese'l Macizu Oriental de Picos d'Europa y un valle que se allargar dende Cangues d'Onís hasta Arenas de Cabrales. El Picu Priena, nel que s'atopa esta cruz, parte con el Parque Nacional de los Picos d'Europa. La cruz característica que la corona recibe'l mesmu nome, Cruz de Priena o Cruz de Pelayo.
La hestoria diz que dende esti monte Don Pelayo preparó una emboscada nel añu 722, faciendo recular a les tropes y dando llugar a la famosa batalla de Cuadonga, el fechu que se considera puntu d'arranque de la Reconquista. Ye por ello polo que delles persones conocen a esta cruz como la de Pelayo.
