Cuando planeamos una escapada agradable, pensamos en montañas, playas, rutas, caminos, miradores, bosques y hasta alguna iglesia bonita. Pero hoy os propondremos una escapada acorde con los tiempos en esta semana de la noche de las ánimas: un cementerio. Concretamente, el cementerio de L.luarca, en el concejo de Valdés.
Esti cementeriu ta lloñe de la imaxe oscura y tétrica que toos tenemos de los cementerios, yá qu’esti tien una llocalización privilexada. Ta situáu no cimero d’una talaya, sobre un puexu que d’antiguo servía pa defendese de los ataques vinientes de la mar, xeneralmente de Francia ya Inglaterra, hasta que se convirtió en cementerio nel añu 1813, lo que fai d’él un de los cementerios más antiguos d’Asturies. Pero nun ye la so llamativa hestoria nin la so antigüedá lo que más nos llama l’atención d’esti cementeriu, si non les sos ablucantes vistes, dignes de los meyores miradorios marítimos.
El cementeriu acaba convirtiéndose, cuasi ensin querer, nuna figura retórica sobre la vida, non namás por eses vistes tan prestoses hacia la mar, que, como si d’un poema de Jorge Manrique se tratara, furrula como metáfora de la muerte, si non tamién pola tranquilidá , paz y relaxación que transmite la visita a esti llugar, como si atopásemos el descansu eternu en vida. Y como si del nuesu viaxe de la vida se tratase, nun de los estremos del campusantu tenemos el faru, que mos guía al final del nuesu viaxe, onde los maxestuosos panteones (munchos d’ellos d’indianos que ganaren perres nes sos migraciones) y les tumbes más modestes, xúnense col destín que toos tenemos en común embaxo la tierra.
La estraña guapura d’esti peculiar sitiu la tuvo en cuenta la revista “Adiós”, una revista especializada nel tema de la muerta, que propuso esti cementeriu como candidatu al más guapu d’España.
Finalmente, como curiosidá, nesti cementeriu descansen los restos de Vicente Trelles, ún de los fundadores de ALSA, y el premiu Nobel Severo Ochoa.
