Los próximos 14,15 y 16 de xunu, va tener llugar na pintoresca Plaza Alfonso X el Sabiu la Primer edición de GastroLuarca, una feria que busca proyectar la riqueza gastronómica del conceyu y contorna onde vamos enllenar l'espaciu de color, golor y sobre manera sabor.
La feria ta impulsada dende'l Conceyu de Valdés, onde los participantes y asistentes nun van quedar indiferentes énte esta puesta n'escena. 24 stands onde se van amosar distintos productos gastronómicos como miel, fabes, tortos, empanaes, embutíos, cerveza, duce y saláu, acompañao de la meyor artesanía. GASTROLUARCA nun ye solo una feria d'artesanía y alimentación; ye un homenaxe a les tradiciones y al inxeniu local. Los asistentes van poder somorguiase nel mundu de los alimentos artesanos, afayando los auténticos sabores autóctonos.
Mesmo asistentes que participantes van poder esfrutar de delles sorpreses a lo llargo de la fin de selmana. Amás, el llugar nel que se celebra ye inigualable. L.luarca ye conocida como la villa blanca de la mariña verde”, onde les cases blanques s'arrexunten alredor del puertu, llugar pol que ye imprescindible dar un paséu y visitar el so cascu antiguu llenu d'hestoria y lleendes. Un puntu d'interés históricu ye'l Cementeriu de L.luarca, onde descansa'l Premiu Nobel de Medicina Severo Ochoa. Esti llugar ufierta una vista única sobre'l mar, añediendo un toque místicu a la visita. De siguío, podemos dirixinos al Mirador de l'Atalaya, dende onde puede contemplase la inmensidá del océanu y los cantiles que caractericen esta zona.
Esta fin de selmana, el to plan de cultura y ociu ta en Valdés. ¡Nun esperes más y prepara yá los tos díes en L.luarca!
