La web de turismu activu VerAsturies ta acabante de dar anuncia nes sos redes sociales de la retresmisión que va facer mientres la tarde-nueche del xueves 5 de xineru na so páxina de Facebook. La cabalgata de reis que se celebra en Xixón va poder siguise al traviés de Facebook Live, nun evento que va tar comentao polos presentadores de la TPA Alma Hidalgo (Déxate d’histories) ya Inaciu Galán (Mundu Sidreru).
La cabalgata va percorrer les cais de Xixón dende les 18:00 hores, saliendo del Colexu Begoña de Viesques y rematando nos Xardinos de la Reina. El percorríu va dir peles cais Poeta Ángel González, Anselmo Solar, Avenida de la Costa, Avenida de Castilla y Emilio Tuya. Precisamente, nel xiru de l’Avenida de Castilla con Emilio Tuya ye dende onde va siguise la retresmisión de VerAsturies, con un despliegue de medios pa facer la mayor cobertura d’esti eventu.
Tres el so pasu per estes cais, la comitiva va seguir per Menéndez Pelayo, Avenida de la Costa, San Bernardo, Plaza del Institutu, Xovellanos, Los Moros, Munuza, Plaza del Carmen, Felipe Menéndez y Marqués de San Esteban pa culminar nos Xardinos de la Reina.
Na retresmisión, amás, collaboren dellos establecimientos de la ciudá, como Casa Carmen, Sidrería Sporting o Las Terrazas del Pery, amás de la empresa de telefonía móvil, Nordes Móvil.