Como tolos meses, la Plaza Mayor de Xixón acueye'l Mercáu Artesanu y Ecolóxicu, un referente artesanal, gastronómicu y turísticu y que yá ye tradicional na ciudá, con una trayectoria de 19 años y 60 artesanos participantes. Mientres el mes de xineru, los díes nos que se va celebrar son el 14 y 15 de xineru.
Al traviés de los distintos puestos que vas poder atopar na céntrica plaza playa hai productos de too tipu, como acebache, cueru, talla de madera, telar, repuxáu, xoyería, vidriu, papelería, pintura, piedra, etcétera. Al pie d'ello, tamién vas poder mercar una gran gama de productos procedentes de cooperatives de países del Sur que respeten les condiciones social y medio ambientales de los países d'orixe.
Pero non solo eso, porque'l mercáu nun ye namás un llugar de consumu: amás de la conseña de facer un comerciu xustu, la organización programa actividaes, esposiciones y talleres nos que traten de dar a conocer los oficios tradicionales asturianos, averando la cultura tanto a xixoneses como a visitantes, siendo esti un llabor social impecable.
