Xandru Martino Ruz, (Ribeseya 1966) ta llicenciáu en filoloxía francesa, diplomáu en maxisteriu y especialista d’asturianu pola Universidá d’Uviéu. Collaborador de revistes como Lletres Asturianes, de periódico como El Comercio y La Nueva España y que forma parte del equipu de traductores de Softastur. Hoy responde al nuesu cuestionariu.
Un llugar pa perdese una fin de selmana:
Santalla d’Ozcos.
Un llugar pa vivir…
Tereñes.
Un platu…
Bacaláu de cualesquier manera.
Un postre…
Arroz con lleche.
Una playa pa pasar el día…
Podría dicivos una, pero ye pequeña y nun quiero que se masifique.
Un pueblín que nun podemos dexar de ver…
Banduxu
Un chigre pa tomar unos culinos…
Abareque, en Ribeseya.
Un parque natural pa visitar…
El de Los Picos.
Una fiesta a la que nun faltar…
Home va… Les Piragües.
Un muséu pa recomendar…
N’Asturies el Belles Artes, fuera el D’Orsay.
Un momentu de la hestoria d’Asturies que te prestaría vivir…
La declaración d’Independencia de 1808.
Un baille pa pasalo bien…
La xota de Cangas o una bachata.
Una pallabra n’asturianu que te preste…
Foriatu.
Una tradición que nun pue perdese…
Ver El home tranquilu de John Ford el ún de xineru.
Una espresión n’asturianu que te preste…
Trabayar a rau restalláu.
