Xuacu Amieva ye un de los gaiteros asturianos más reconocíos nacíu'l 12 d'ochobre del añu 1954 n'El Mazucu, pueblu del conceyu de Llanes. Ye reconocíu pol so llabor pola recuperación del patrimoniu cultural y musical asturianu. La so vocación musical vien de familia, la so madre yera cantante de tonada y otros familiares tocaben la gaita.
Amás, fundó un gran númberu de bandes de música y grupos de folclore. Nel añu 1974 empezó a formar parte del grupu «Urogallos«. Otres agrupaciones folclóriques de les que formó parte son «Raigañu» o «Andecha Folklor d’Uviéu«.
Más tarde nel añu 1980 crea la Escuela de Música Tradicional n'Uviéu, que tuvo gran acoyida y tuvo qu'abrir nueves delegaciones n'otros puntos d'Asturies por cuenta de la alta demanda. Quepe destacar que nestes escueles naces les primeres bandes de gaites d'Asturies como la Banda de Gaites del Naranco.
Per otru llau, tamién fundó dellos grupos folk como Beleñu o Ubiña. Nel añu 1990 formó'l so propiu grupu de folk llamáu «Xuacu Amieva». Nel añu 1995 llogró collaborar colos irlandeses The Chieftains gracies al so amigu, el famosu gaiteru Carlos Núñez. Esta collaboración fixo que ganara un premiu Grammy nel añu 1997. La so carrera como músicu ye reconocida a nivel mundial tres recibir premios de prestíxu como'l Troféo Macallan del Festival Intercéltico de Lorient.