El cantautor Carlos Rubiera asoleyó va pocu la grabación d’un conciertu d’esti branu del añu 2021. La cita musical dióse’l 12 de xunu de 2021 na ilesia de Santa María La Mayor de Llorgozana, Carreño.
El xixonés tuvo acompañáu de María Álvarez Santiago al acordión; María Hevia al mayu y panderu; Óscar Camacho al pianu y Mariluz Cristóbal Caunedo como artista invitada.
A principios del 2021, Carlos Rubiera publicó la triloxía "30 Asturianaes", en formatu llibru + 3 CDs. Esta obra axunta 30 pieces vocales (tanto tradicionales como d'autor) y tres instrumentales pa gaita; contando pa la so grabación con una brillante nómina de músicos y voces de la escena asturiana actual. Nesti conciertu, cola collaboración especial de la cantadora tradicional Mariluz Cristóbal Caunedo, Carlos Rubiera interpreta una esbilla de cantares recoyíos nesa gran obra.