Una bona manera de conocer la prehistoria d’Asturies ye diendo a los llugares arqueolóxicos y güei proponémosvos una ruta prehistórica per Ibias, d’una dificultá media-alta.
La ruta, de percorríu pequeñu, entama nel Chao del Carballo, 500 metros dempués de Seroiro y vamos siguir caminando hasta el pueblu abandonáu de Folgueiras. Enriba d’esti pueblu, un camín bien pindiu empecipia el percorríu pal dolmen y vamos llegar al Chao de Leda. Dende equí, diremos pa la Fonte del Galo. Vamos siguir caleyando pelos caminos pindios y vamos llegar a Braña Vella, Braña de Folgueiras y poco dempués al picu.
El camín de vuelta ye pel llau contrariu del monte, pela Fonte de Lameiroa y el Chao de Pandela, hasta llegar de nueves al Chao de Leda, onde vamos poder ver el dolmen pa dempués siguir la senda bien marcada hasta Seroiro.
El dolmen de Seroiro, senderismu pela prehistoria del occidente d’Asturies
