Tever preséntanos el so cuartu single que vien cargáu d'emociones. El gaiteru presentase como un tema emotivu que viaxa pola vida del artista con una melodía de pianu y gaita, que son la parte principal d'esti diálogu.
En sufriendo delles perdes familiares en, relativamente, pocu tiempu Trever saca a la lluz la so tema más emotiva. Fervienza ye'l frutu de les emociones que l'artista foi sufriendo a lo llargo de la so propia vida.
Nun ye una novedá que'l conocíu gaiteru atopa nes sos temes una terapia de choque onde ordena y comparte los sos sentimientos pero, nesti casu, presenta'l so cuartu senciellu como una lliberación personal a tol conxuntu de sentimientos negativos que ta sufriendo.
Amás de la gaita y el pianu, nesti tema podemos atopar dende la percusión de cuerdes como la viola hasta una low whistle (flauta irlandesa), faciendo sonar un filu de voces corales pa pone-y el meyor broche final.
Con tollo, Trever inténtanos remembrar distintes emociones pa que seya'l mesmu oyente'l que se tresporte al so propiu percorríu emocional y vivir esta esperiencia sentimental como la fai él.
