Les Xornaes Gastronómiques de la Caza de Piloña celebren la so 37ª edición en 2026, reafitando 'l so estatus como xuno de los eventos gastronómicos más esperaos d'Asturies. Mientres dos fines de selmana, del 27 de febreru al 1 de marzu y del 6 al 8 de marzu, dellos restoranes de la zona van ufiertar menúes especiales basaos en carne de caza, una tradición gastronómica que forma parte indisoluble de la cultura asturiana.
Estes xornaes suponen una ocasión incomparable pa tastiar la meyor cocina de caza, recetes que la so xenealoxía llévanos xeneraciones atrás nel tiempu y que, como entós se facía, empleguen namás ingredientes de proximidá y de la mayor calidá. A los platos más clásicos, como estofaos, guisos o cocíos de fabes, súmense recetes más innovadores y una amplia ufierta de tapes ellaboraes con carnes de caza. Amás, y como ye costume na nuesa tierra, los menúes inclúin postres caseros y una propuesta de maridaxe centrada nel vinu tinto, con denominaciones d'orixe de la máxima calidá como Rioxa o Toro.
Restoranes participantes y ufierta gastronómica
Como cada añu, dellos restoranes de la zona de Piloña y contorna ufierten menúes ellaboraos puramente pa la cita gastronómica de la caza por escelencia. Los siguientes establecimientos van poner les sos propuestes culinaries a disposición de los visitantes:
• Restorán El Molín (Beloncio): un menú centráu nel xabalín y la perdiz, con recetes que van del paté al arroz, pasando pwl escabecháu o'l guisu tradicional matizáu pol arume de la cogorda shiitake.
• Casa Maruxa (La Marea): una variada ufierta qu'inclúi platos como sopa de fégadu, fabes con venáu, gamu con patatinos o estofáu de xabalín, recetes clásiques que van facer les delicies de los amantes de la caza.
• Chigre Restorán Los Caños (L’Infiestu): un atrevíu menú que reformula les recetes de venáu, xabalín y falpayar, fundiéndolos con platos como la lasaña, el filáu con hoxaldre, les cebolles rellenes o los tortinos.
• Restorán La Atalaya (Torín – Villamayor): una propuesta qu'inclúi pastel de caza y lasaña de gamu, ensin escaecese del xabalín, preparáu tanto en forma de cocíu de fabes como guisáu con patatinos.
• Chigre Restorán La Vega (Lo de Pelayo) (L’Infiestu): un viaxe culinariu qu'inclúi paté de caza, sopa de fégadu, pimientos y pataques rellenes de xabalín o escalopines de venáu al cabrales, ente otros manxares.
• Posada de Barru (L’Infiestu): un menú qu'inclúi sopa de fégadu, pimientos rellenos de caza, fabes con xabalín y un platu a escoyer ente venáu o xabalín, amás d'una variedá de tapes pa tentar al cielu la boca.
• Chigre Pili – Miyares: propuesta centrada nel venáu y la perdiz en distintes ellaboraciones con frutos coloraos, cogordes o castañes; ensin escaecer incluyir nel menú'l clásicu guisu con patatinos pa los incondicionales del xabalín.
• Restorán La Roca (Villar de Huergo): variedá de propuestes con platos que van del pastel de caza al venáu guisáu, incluyendo otres delicies como la sopa de perdiz o'l repollu rellenu de xabalín.
Gastronomía y cultura y danse la mano na tradición
Les Xornaes Gastronómiques de la Caza son más que la escusa perfecta pa esfrutar d'una deliciosa comida a base de carnes monteses. La tradición cinexética de la rexón ye un valor cultural directamente rellacionáu col mediu natural en que se desenvuelve la so actividá y foi mientres sieglos un elementu clave a nivel económicu y social en Asturies. Estes xornaes conviden tanto a llocales como a visitantes a esfrutar d'esa riqueza cultural, al traviés d'una amuesa de la cocina tradicional que foi, ye y va ser parte central de la hestoria y la identidá de Piloña.
Los menúes tienen un preciu de 35 euros, incluyendo vinu y café, y aconséyase formalizar les reserves per vía telefónica con antelación, por cuenta de l'alta arribación d'amantes de la gastronomía que cada añu visiten Piloña atrayíos por estes xornaes. Una nueva edición del que yá ye unu de los eventos culinarios más importantes d'Asturies y que reafita a Piloña como parada obligatoria nel mapa gastronómicu de la península.
