Mientres l'Antigüedá, los romanos poblaron Asturies y estrayeron materia prima sobremanera nel suroccidente. Un gran exemplu d'esto, y quiciabes el más conocíu, ye Navelgas, un pueblu de Tinéu que llogró'l Premiu al Pueblu exemplar nel añu 2003 y que vos convidamos a visitar.
Una bona forma de conocer la so hestoria ye adentrándose nel Muséu del Oru, onde tamién vas atopar la Oficina d'Información Turística. Dedicáu al oru, al so valor y al de la hestoria de los homes que dende va sieglos llucharon contra la naturaleza pa llograr d'ella el preciáu metal, esti muséu nun tien bagazu. Hestories antigües y relixoses, meyores médiques y tecnolóxiques, inxenieríes maxistrales axuúntense en Navelgas por que puedas viaxar nel tiempu.
Amás, nel mes de xunetu realiza'l Campeonatu Nacional de Batéu d'Oru, una fiesta d'Interés Turísticu Rexonal. Too ello acompañáu de la naturaleza y hestoria nel mesmu centru d'Asturies.