{"id":11287,"date":"2023-10-02T16:32:17","date_gmt":"2023-10-02T14:32:17","guid":{"rendered":"https:\/\/verasturies.com\/?p=11287"},"modified":"2023-10-02T16:32:20","modified_gmt":"2023-10-02T14:32:20","slug":"panada-y-mayanza","status":"publish","type":"post","link":"https:\/\/verasturies.com\/ast_ast\/panada-y-mayanza\/","title":{"rendered":"La pa\u00f1ada y la mayanza"},"content":{"rendered":"

Pa llegar a beber la sidra que toos y toes conocemos hai detr\u00e1s un procesu bien llargu. Son dellos los pasos a siguir pa que la mazana se convierta na bebida asturiana m\u00e1s reconocida. Dos fases importantes son la \u2018pa\u00f1ada\u2019 y la \u2018mayanza\u2019, imprescindibles pa esfrutar de la sidra. Poro, vamos afondar nestos pasos qu\u2019angua\u00f1o malapenes se ven, pero que ye importante caltener.<\/p>\n\n\n\n

Los pumares asturianos suelen dase en praos onde crez la paci\u00f3n, que xeneralmente s\u2019aprovecha pa segar y dar a les vaques como alimentu diariu. Estos praos enllenos de pumares ll\u00e1mense \u2018pumaraes\u2019, que precisen d\u2019un cuid\u00e1u curiosu pa que seyan a producir tolos a\u00f1os, pues a un a\u00f1u bonu suel siguir siempre otru de producci\u00f3n m\u00e1s ruina. Cuando l\u2019a\u00f1u yera de sidra, de muncha producci\u00f3n, moviliz\u00e1base la familia pa facer la pa\u00f1ada de la mazana pela seronda, que sol\u00eda entamar nel mes de setiembre.<\/p>\n\n\n\n

La xente diba a la pumarada a pa\u00f1ar les mazanes en sacos o en maniegues y macones. Pa\u00f1\u00e1bense primero les mazanes que cayeran del \u00e1rbol y que nun se ten\u00eden por mui bones pa la sidra, esto ye, les llamaes \u2018mazanes del sapu\u2019. Depu\u00e9s fac\u00edase m\u00e1s d\u2019una pasada peles pumaraes pa \u2018llimir\u2019 o tirar con una pi\u00e9rtiga les mazanes que quedaran nel \u00e1rbol. Tami\u00e9n pod\u00eden tirase les mazanes \u2018esmenando\u2019 o \u2018solmenando\u2019 con fuerza l\u2019arbol coles manes.<\/p>\n\n\n\n

Una vegada rematada la pa\u00f1ada, les mazanes hab\u00eda que les tresportar a un sitiu onde se conservaren ensin perdese pa poder facer la mayanza m\u00e1s tarde o, cuando conven\u00eda, llevales a dalg\u00fan llagar industrial que les mercaba pa facer sidra. Angua\u00f1o, esti llabor de tresporte ye muncho m\u00e1s pr\u00e1cticu y f\u00e1cil, pero d\u2019antiguo esti llabor, que llegaba a facese con carros de tracci\u00f3n animal, pod\u00eda durar bastante tiempu, de manera qu\u2019una familia pod\u00eda andar carretando mazana hasta final d\u2019a\u00f1u o m\u00e1s all\u00e1 en dellos casos.<\/p>\n\n\n

\n
\"\"<\/figure><\/div>\n\n\n

Les mazanes pa facer sidra ll\u00e9vense al llagar. Ell\u00ed, hai que seleccionar les mazanes y meteles nos ochaos, pa saber con cu\u00e1ntu frutu pue cuntar la casa y cu\u00e1nto hai que mayar de cada vez. Depu\u00e9s, \u00e9chense les mazanes en \u2018duernu\u2019, que ye\u2019l recipiente onde se maya. Angua\u00f1o, m\u00e1yense les mazanes xeneralmente con un aparatu ll\u00e9tricu, llam\u00e1u \u2018mayadora\u2019, pero lo tradicional hasta hai unos a\u00f1os yera echar les mazanes en duernu y mayales col \u2018mayu\u2019, que ye un mazu de madera de mangu llargu y cabeza anchona que ruempe y estrapalla la mazana.<\/p>\n\n\n\n

El trabayu de mayar ye duru abondo y, poro, en tiempos pasaos fac\u00edase n\u2019andecha. Xunt\u00e1bense ent\u00f3s los homes de les cases vecines y pon\u00edense a entrambos llaos del duernu, onde ca\u00fan diba dando golpes col mayu pa desfacer la mazana. Coles mayadores modernes la cosa ye muncho m\u00e1s r\u00e1pida y c\u00f3moda, porque les cuchielles que mueve\u2019l motor mayen bien r\u00e1pido les mazanes.<\/p>\n\n\n\n

La mazana mayao \u00e9chase con pales en pisu del aparatu llam\u00e1u llagar, o seya, na masera, faciendo que queden bien puestes y colocaes les mazanes mayaes. Pa ello, \u00fasense pales de madera, anque tami\u00e9n sol\u00eden emplegase madre\u00f1es bien llimpies, en dellos casos con un pisu especial pa esta funci\u00f3n. Por \u2018llagar\u2019 enti\u00e9ndese tanto l\u2019aparatu que val pa esprimir les mazanes como\u2019l llocal onde s\u2019alcuentra esi aparatu. Ye nesti local, en llagar, onde se fai la sidra. Hai que dir mayando hasta que\u2019l llagar tea enllenu de la masa de mazanes mayaes.Ent\u00f3s, enriba d\u2019esta masa p\u00f3nense unos maderos llargos llamaos \u2018molleros\u2019 y otros cortos llamaos \u2018carneros\u2019, que son los que presionen y fai que salga la sidra na parte baxa del llagar.<\/p>\n\n\n\n

El result\u00e1u d\u2019esti procesu llargu, y parte imprescindible de la cultura sidrera asturiana que debemos conocer y caltener, ye esa sidra tan rico que constit\u00fai \u00fan de los s\u00edmbolos d\u2019Asturies.<\/p>","protected":false},"excerpt":{"rendered":"

Para llegar a beber la sidra que todos y todas conocemos hay detr\u00e1s un proceso muy largo. Son varios los pasos a seguir para que la manzana se convierta en la bebida asturiana m\u00e1s reconocida. Dos fases importantes son la \u2018pa\u00f1ada\u2019 y la \u2018mayanza\u2019, imprescindibles…<\/p>","protected":false},"author":1,"featured_media":11289,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[280],"tags":[],"class_list":["post-11287","post","type-post","status-publish","format-standard","has-post-thumbnail","hentry","category-actualidad"],"amp_enabled":true,"_links":{"self":[{"href":"https:\/\/verasturies.com\/ast_ast\/wp-json\/wp\/v2\/posts\/11287","targetHints":{"allow":["GET"]}}],"collection":[{"href":"https:\/\/verasturies.com\/ast_ast\/wp-json\/wp\/v2\/posts"}],"about":[{"href":"https:\/\/verasturies.com\/ast_ast\/wp-json\/wp\/v2\/types\/post"}],"author":[{"embeddable":true,"href":"https:\/\/verasturies.com\/ast_ast\/wp-json\/wp\/v2\/users\/1"}],"replies":[{"embeddable":true,"href":"https:\/\/verasturies.com\/ast_ast\/wp-json\/wp\/v2\/comments?post=11287"}],"version-history":[{"count":0,"href":"https:\/\/verasturies.com\/ast_ast\/wp-json\/wp\/v2\/posts\/11287\/revisions"}],"wp:featuredmedia":[{"embeddable":true,"href":"https:\/\/verasturies.com\/ast_ast\/wp-json\/wp\/v2\/media\/11289"}],"wp:attachment":[{"href":"https:\/\/verasturies.com\/ast_ast\/wp-json\/wp\/v2\/media?parent=11287"}],"wp:term":[{"taxonomy":"category","embeddable":true,"href":"https:\/\/verasturies.com\/ast_ast\/wp-json\/wp\/v2\/categories?post=11287"},{"taxonomy":"post_tag","embeddable":true,"href":"https:\/\/verasturies.com\/ast_ast\/wp-json\/wp\/v2\/tags?post=11287"}],"curies":[{"name":"wp","href":"https:\/\/api.w.org\/{rel}","templated":true}]}}