{"id":13507,"date":"2025-09-01T11:14:03","date_gmt":"2025-09-01T09:14:03","guid":{"rendered":"https:\/\/verasturies.com\/?p=13507"},"modified":"2025-09-01T11:23:04","modified_gmt":"2025-09-01T09:23:04","slug":"esta-es-la-programacion-completa-del-dia-de-asturies","status":"publish","type":"post","link":"https:\/\/verasturies.com\/ast_ast\/esta-es-la-programacion-completa-del-dia-de-asturies\/","title":{"rendered":"Esta ye la programaci\u00f3n completa del D\u00eda d'Asturies"},"content":{"rendered":"<p>El Gobiernu del Princip\u00e1u d\u2019Asturies festexa nos conceyos qu\u2019integren la Comarca de la Sidra, del 5 al 8 de setiembre, los actos conmemorativos del D\u00eda d\u2019Asturies, qu\u2019angua\u00f1o rinden homenaxe a la cultura sidrera, depu\u00e9s de la so reconocencia como Patrimoniu Cultural Inmaterial de la Humanid\u00e1 pola UNESCO.\nLa Comarca de la Sidra int\u00e9grenla seis conceyos del centru-oriente asturianu, Bimenes, Cabranes, Colunga, Nava, Sariegu y Villaviciosa, que comparten un denominador com\u00fan, la producci\u00f3n sidrera. La celebraci\u00f3n d\u2019esta festivid\u00e1 emblem\u00e1tica na comarca sup\u00f3n asina un homenaxe a la declaraci\u00f3n reci\u00e9n de la cultura sidrera asturiana como Patrimoniu Mundial.<\/p>\n\n\n\n<p>Am\u00e1s de la sidra, la m\u00fasica, la cultura y la tradici\u00f3n protagonicen una programaci\u00f3n completa que va combinar mercaos tradicionales, muestres de gastronom\u00eda, exhibiciones de deportes y xuegos aut\u00f3ctonos, actividaes infantiles y espect\u00e1culos de cai. El patrimoniu hist\u00f3ricu y natural de la comarca tami\u00e9n va tener un papel protagonista, con visites guiaes, talleres y propuestes pa tolos p\u00fablicos, nun programa dise\u00f1\u00e1u pa disfrutar en familia y abiertu a residentes y visitantes. El D\u00eda d\u2019Asturies va ser de nuevo, d\u2019esta forma, una fiesta grande d\u2019alcuentru alredor de les nuestres tradiciones, cola cultura sidrera como s\u00edmbolu y nexu com\u00fan.<\/p>\n\n\n\n<p>Darr\u00e9u, amu\u00e9sase un resume de la progremaci\u00f3n por conceyos<\/p>\n\n\n\n<ul class=\"wp-block-list\">\n<li><strong>Sariego (5 de setiembre, tarde-noche).<\/strong>\u00a0El programa empieza con una exhibici\u00f3n de deporte tradicional en Vega y el pasuc\u00e1is al cargu de la Bandina L\u2019Embol\u00e1u. En Narzana, el p\u00fablicu va disfrutar de les visites teatralizaes y actuaciones musicales d\u2019Amaia Rey y del Coru Errante na Cueva de San Pedr\u00edn. Tami\u00e9n van poder visitase\u2019l Llagar Trabanco y la Yeguada Finca Maeza y va haber espicha con degustaci\u00f3n de productos t\u00edpicos. Zarra les actividaes en Sariegu\u2019l conciertu de Los Berrones y de la Orquesta Grupo L\u00edmite.<\/li>\n\n\n\n<li><strong>Colunga (6 de setiembre, ma\u00f1ana)<\/strong>El p\u00fablicu que visite\u2019l conceyu de Colunga esti d\u00eda va tener entrada gratuita al Mus\u00e9u del Xur\u00e1sicu d\u2019Asturies (MUXA), que va ufiertar actividaes especiales tol d\u00eda, como una visita al xacimientu d\u2019icnites de la playa de La Griega en collaboraci\u00f3n col Centru d\u2019interpretaci\u00f3n del Sueve, una Yincana\u00a0<em>Dinosidrera<\/em>\u00a0o un taller de\u00a0<em>may\u00e1u<\/em>\u00a0de mazana, ente otres actividaes. Am\u00e1s, en Colunga, va poder disfrutase d\u2019un pasuc\u00e1is cola Bandina L\u2019Embol\u00e1u, la esposici\u00f3n\u00a0<em>Sidra<\/em>\u00a0na Casa la Cultura, y del conciertu de Petit Pop na plaza de la ilesia de San Crist\u00f3bal.<\/li>\n\n\n\n<li><strong>Villaviciosa (6 de setiembre, tarde-noche).<\/strong>\u00a0El centru de la villa va enllenase cola m\u00fasica de les bandes de gaites participantes nel Festival Internacional de la Gaita y el Parque del Pelambre va acoyer el merc\u00e1u d\u2019esti Festival. Tami\u00e9n va haber xornada de puertes abiertes nos llagares El Gaiteru y Cortina, con un tren sidreru con animaci\u00f3n.<br>La m\u00fasica centra la programaci\u00f3n en Villaviciosa, que va acoyer los conciertos del gaiteru Hevia y de la cantante asturiana moza Eva Hevia. Tami\u00e9n, en collaboraci\u00f3n col Festival Internacional de la Gaita, van ufiertase les actuaciones de Malin Lewis, Felpeyu y Skama La Rede, am\u00e1s d\u2019un espect\u00e1culu de drones.<\/li>\n\n\n\n<li><strong>Cabranes (7 de setiembre, ma\u00f1ana).<\/strong>\u00a0Al\u00a0<em>Merc\u00e1u<\/em>\u00a0Tradicional na plaza del Emigrante de Santolaya s\u00famase la esposici\u00f3n na Casa de Cultura\u00a0<em>Cabranes, cultura y tradici\u00f3n<\/em>. Los m\u00e1s peque\u00f1os van esfrutar colos\u00a0<em>Juegos a lo grande<\/em>\u00a0y va haber degustaciones de sidra y zusmiu ecol\u00f3xicos y d\u2019arroz con lleche y boro\u00f1a, am\u00e1s d\u2019una\u00a0<em>preba<\/em>\u00a0de sidra con Tano Collado.<br>Tami\u00e9n se va realizar un taller d\u2019axedrez y part\u00edes simult\u00e1nees y una demostraci\u00f3n del traxe tradicional de Cabranes, van ufiertase vuelos cautivos de globu aerost\u00e1ticu y, a lo llargo de tol d\u00eda, va haber entrada gratuita al Mus\u00e9u de la Escuela Rural, en Vi\u00f1\u00f3n. La nota musical van ponela los pasuc\u00e1is d\u2019Hermanos Joglar y el conciertu sesi\u00f3n verm\u00fa de Los Acebos.<\/li>\n\n\n\n<li><strong>Bimenes (7 de setiembre, tarde-noche)<\/strong>a capital del conceyu, Martimporra, va poder disfrutase d\u2019una xornada de puertes abiertes y animaci\u00f3n teatral nel Palacio Marqu\u00e9s de Casa Estrada. Los Yerbatos y La Pandorga van ser los encargaos de l\u2019ambientaci\u00f3n musical y folcl\u00f3rica nel\u00a0<em>prau<\/em>\u00a0del Palaciu, onde tami\u00e9n va haber canci\u00f3n asturiana y va poder vese una exhibici\u00f3n de valtu, am\u00e1s de participar nuna degustaci\u00f3n y ellaboraci\u00f3n en vivo de chorizu a la sidra. Les actividaes en Bimenes rematen col conciertu de la Orquesta Domin\u00f3.<\/li>\n\n\n\n<li><strong>Nava (8 de setiembre, ma\u00f1ana-tarde).<\/strong>\u00a0El Mus\u00e9u de la Sidra ufierta esti d\u00eda entrada gratuita a tolos visitantes, que tami\u00e9n van poder disfrutar de canci\u00f3n asturiana, d'ambientaci\u00f3n costumista na redolada del equipamientu, d\u2019una clase maxistral de sidra y d\u2019una\u00a0<em>preba<\/em>\u00a0con Jos\u00e9 Norniella. En Nava va haber merc\u00e1u y xuegos tradicionales y van ufiertase vuelos cautivos de globu aerost\u00e1ticu, am\u00e1s d\u2019un tren sidreru con animaci\u00f3n pola villa y el pasuc\u00e1is de la Banda de Gaites Llariegu.<br>La ilesia de San Bartolom\u00e9 va acoyer l\u2019alcuentru colos coros de la Comarca de la Sidra y na Plaza Manuel Ur\u00eda va poder vese l\u2019actuaci\u00f3n sesi\u00f3n verm\u00fa de Querida Margot y el conciertu de la Orquesta Tekila.<\/li>\n<\/ul>","protected":false},"excerpt":{"rendered":"<p>El Gobierno de Asturias celebrar\u00e1 del 5 al 8 de septiembre en los seis concejos que integran la Comarca de la Sidra los actos conmemorativos del D\u00eda de Asturias, que este a\u00f1o rinde homenaje a la cultura sidrera, reconocida como Patrimonio Cultural Inmaterial de la&#8230;<\/p>","protected":false},"author":1,"featured_media":4493,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[229],"tags":[],"class_list":["post-13507","post","type-post","status-publish","format-standard","has-post-thumbnail","hentry","category-agenda"],"amp_enabled":true,"_links":{"self":[{"href":"https:\/\/verasturies.com\/ast_ast\/wp-json\/wp\/v2\/posts\/13507","targetHints":{"allow":["GET"]}}],"collection":[{"href":"https:\/\/verasturies.com\/ast_ast\/wp-json\/wp\/v2\/posts"}],"about":[{"href":"https:\/\/verasturies.com\/ast_ast\/wp-json\/wp\/v2\/types\/post"}],"author":[{"embeddable":true,"href":"https:\/\/verasturies.com\/ast_ast\/wp-json\/wp\/v2\/users\/1"}],"replies":[{"embeddable":true,"href":"https:\/\/verasturies.com\/ast_ast\/wp-json\/wp\/v2\/comments?post=13507"}],"version-history":[{"count":2,"href":"https:\/\/verasturies.com\/ast_ast\/wp-json\/wp\/v2\/posts\/13507\/revisions"}],"predecessor-version":[{"id":13509,"href":"https:\/\/verasturies.com\/ast_ast\/wp-json\/wp\/v2\/posts\/13507\/revisions\/13509"}],"wp:featuredmedia":[{"embeddable":true,"href":"https:\/\/verasturies.com\/ast_ast\/wp-json\/wp\/v2\/media\/4493"}],"wp:attachment":[{"href":"https:\/\/verasturies.com\/ast_ast\/wp-json\/wp\/v2\/media?parent=13507"}],"wp:term":[{"taxonomy":"category","embeddable":true,"href":"https:\/\/verasturies.com\/ast_ast\/wp-json\/wp\/v2\/categories?post=13507"},{"taxonomy":"post_tag","embeddable":true,"href":"https:\/\/verasturies.com\/ast_ast\/wp-json\/wp\/v2\/tags?post=13507"}],"curies":[{"name":"wp","href":"https:\/\/api.w.org\/{rel}","templated":true}]}}