La ciud\u00e1 de Xix\u00f3n celebra en 2025 el centenariu de la inauguraci\u00f3n de La Gota de Lleche, l'edificiu de la plaza de L'Humedal que mientres d\u00e9cades funcion\u00f3 como hospital infantil y centru de puericultura. Pa conmemorar la efem\u00e9ride, el Conceyu entam\u00f3 una esposici\u00f3n al aire llibre que va permanecer abierta hasta'l 21 de setiembre, con paneles que repasen la so hestoria y la so aportaci\u00f3n a la sal\u00fa p\u00fablica.<\/p>\n\n\n\n
La Gota de Lleche foi inaugurada'l 2 de setiembre de 1925, impulsada pol pediatra Avelino Gonz\u00e1lez Fern\u00e1ndez, coles mires d'amenorgar les elevaes tases de mortalid\u00e1 infantil de la d\u00f3mina. El proyectu cunt\u00f3 con financiamientu municipal, donaciones y rifes ben\u00e9fiques. Inspir\u00f3se n'iniciatives franceses de finales del sieglu XIX qu'espachaben lleche esterilizada y ufiertaben asistencia a madres y f\u00edos. Nos sos primeros a\u00f1os, el centru combin\u00f3 consultoriu pedi\u00e1tricu, cl\u00ednica prenatal, sala de maternid\u00e1 y casa trubiecu, am\u00e1s d'un llaboratoriu y una escuela de puericultura que foi pionera n'Espa\u00f1a. Tami\u00e9n s'acutaron places pa madres solteres, nun contestu nel que nun yera habitual ufiertar esti tipu de cobertoria.<\/p>\n\n\n\n
L'edificiu foi dise\u00f1\u00e1u pol arquitectu municipal Miguel Garc\u00eda de la Cruz, autor d'otres construcciones emblem\u00e1tiques de Xix\u00f3n como'l muru de San Llorienzo<\/a> o la Pescader\u00eda Municipal. Llevant\u00f3se n'estilu rexonalista monta\u00f1\u00e9s, con forma en \u201cL\u201d, bistechos de madera tallao y torres que se a\u00f1edieron en 1927 y 1933. Nel interior destaquen los azulexos de Talavera con mensaxes pedag\u00f3xicos, la biblioteca y los artesonaos de madera, elementos qu'inda se caltienen. Pola so singularid\u00e1 arquitect\u00f3nica y la so funci\u00f3n social, l'inmueble ta consider\u00e1u unu de los m\u00e1s representativos de la ciud\u00e1 nel sieglu XX.<\/p>\n\n\n\n La Gota de Lleche funcion\u00f3 como hospital infantil hasta mediaos de los a\u00f1os sesenta. Darr\u00e9u, af\u00edxose a distintos usos hasta convertise na sede de la Fundaci\u00f3n Municipal de Servicios Sociales, papel que caltien na actualid\u00e1. Tami\u00e9n acueye una delegaci\u00f3n de la Socied\u00e1 Internacional de Bio\u00e9tica. L'impactu del centru foi notable: nes primeres d\u00e9cades del sieglu XX, la mortalid\u00e1 infantil en Xix\u00f3n rondaba'l 24 %. Gracies a les pol\u00edtiques d'atenci\u00f3n y prevenci\u00f3n aplicaes nesti espaciu, les cifres amenorgaron de manera dr\u00e1stica hasta niveles cercanos al 1,5 %.<\/p>\n\n\n\nD'hospital infantil a sede de Servicios Sociales<\/h2>\n\n\n\n
Una esposici\u00f3n pa conmemoralo<\/h2>\n\n\n\n