{"id":2795,"date":"2020-10-25T15:30:00","date_gmt":"2020-10-25T14:30:00","guid":{"rendered":"https:\/\/verasturies.com\/?p=2795"},"modified":"2020-10-23T19:28:57","modified_gmt":"2020-10-23T17:28:57","slug":"pilar-sanchez-vicente-el-natahoyo-yel-soho-de-xixon","status":"publish","type":"post","link":"https:\/\/verasturies.com\/ast_ast\/pilar-sanchez-vicente-el-natahoyo-yel-soho-de-xixon\/","title":{"rendered":"Pilar S\u00e1nchez Vicente: “El Natahoyo ye’l Soho de Xix\u00f3n”"},"content":{"rendered":"

Pilar S\u00e1nchez Vicente naci\u00f3 en Xix\u00f3n nel a\u00f1u 1961. Estudi\u00f3 Xeograf\u00eda y Hestoria na Universid\u00e1 d’Uvi\u00e9u y trabay\u00f3 como hestoriadora, documentalista y escritora. Ente les sos obres atopamos La diosa contra Roma<\/em>, Luci\u00e9rnagas en la Memoria<\/em> o El fant\u00e1sticu viaxe de Selene<\/em>. Ta acabante poner nel merc\u00e1u la novela “La muerte es m\u00eda”.<\/p>\n\n\n\n

Un llugar pa perdese una fin de selmana:<\/strong> Pa perdese y non atopase yo dir\u00eda a Ponga y nun fai falta que seya pol Aguilandu, pa ver al guirria. En Bele\u00f1o tengo de salir al verm\u00fa y volver al d\u00eda siguiente, rite tu del late verm\u00fa <\/em>de los h\u00edpsters.<\/em> Y si llogres salir del chigre puedes perdete pela viesca Pelo\u00f1u, dir a tocar el cielu dende dalguna cumal o dir a Llu\u00e9 tres los pasos de Martin\u00f3n.<\/p>\n\n\n\n

Un llugar pa vivir: <\/strong>El que vivo, ensin dir m\u00e1s llo\u00f1e. El Natahoyo foi’l primer barriu obreru de Xix\u00f3n y foi escenariu de les lluches de la Naval. Agora hai un movimientu vecinal de recuperaci\u00f3n alredor de Les Naves, pidimos la salida al monte Coro\u00f1a y la recuperaci\u00f3n de la fachada mar\u00edtima. Yo siempres dixi que ten\u00edemos que facer la XANA, Xuntanza d\u2019Artistes del Natahoyo, nun das cr\u00e9itu cu\u00e1ntos vivimos nestes cais: Pedro Tim\u00f3n, Dani Prendes, Laura Sandoval, Ram\u00f3n Lluis Bande, Tito Montero, Alberto Rodr\u00edguez, F\u00e9lix Corcuera, Vanessa Rodr\u00edguez, David Varela, Miren Manterola, Eusebio Llorca\u2026 y qu\u00e9denme un mont\u00f3n nel tinteru. Somos el Soho de Xix\u00f3n: pintores, escritores, cineastes, actores, m\u00fasicos\u2026 \u00a1\u00a1y nun nos damos importancia!!<\/p>\n\n\n\n

Un platu: <\/strong>Na base la pir\u00e1mide t\u00e1n el pote y los callos coles tr\u00e9s P: picadinos, pega\u00f1osos y picantinos. Nel segundu escal\u00f3n, les cebolles rellenes. Los calamarinos de potera son un viciu, pero m\u00e1s tov\u00eda los oricios. Per encima tan la llobina y la ventrisca a la plancha y, nel olimpu, les andariques, la \u00f1ocla y el bugre. O un pelon\u00edn del Cant\u00e1bricu. \u00bfUn platu, dec\u00edes? Uno solu nun puedo que me fixo la boca un fraile\u2026<\/p>\n\n\n\n

Un postre: <\/strong>Mira, esta ye m\u00e1s f\u00e1cil: Frixuelos con llambionaes. Y chicolate, munchu chicolate.<\/p>\n\n\n\n

Una playa pa pasar el d\u00eda: <\/strong>Poniente ye la mio playa d’usu diariu, onde voi pasiar pa refrescar la cabeza cuando m’arde d’escribir. \u00a0Yo prefiriera que mantuviera’l nome d’Arenal del Pas\u00e9u, como se llamaba nel sieglu XVIII o Playa del Natahoyo, y\u00e1 nel XIX. Eh\u00ed taba la playa de Pando, onde ven\u00eden a ba\u00f1os la reina Sabel II y dempu\u00e9s la f\u00eda, la Chata, hermana d’Alfonsu XII y tuvo casetes enantes que San Llorienzo. \u00a1Que se sepa!<\/p>\n\n\n\n

Un puebl\u00edn que nun podemos dexar de ver: <\/strong>San Esteban los Buitres y Banduxu son dos sitios que te retrotraen al pas\u00e1u y onde \u00a0puedes sentite na Ed\u00e1 Media. La grandeza de la nuesa insignificancia ye lo que t’abluca nesos llugares.<\/p>\n\n\n\n

Un chigre pa tomar unos culinos: <\/strong>La plaza del Requexu en Mieres ye m\u00e1s qu’una sidrer\u00eda, siempres me prest\u00f3 “torear” nesa plaza y dir de parroquia en parroquia.<\/p>\n\n\n\n

Un parque natural pa visitar:<\/strong> Somiedu tienlo too, ye una xoya de la \u00f1atura. Tien etnograf\u00eda, paisaxe, fauna\u2026 Combina’l paisaxe alpinu, la guapura de los llagos y cumes nevaes, los teitos y la llucha emblem\u00e1tica pola recuperaci\u00f3n del osu pardu.<\/p>\n\n\n\n

Una fiesta a la que nun faltar: <\/strong>\u00a1Colo que yo fui! Agora y\u00e1 toi aturrida de fiestes, teo’l cupu cubiertu de puxarra, forgaxa y baruyu. Por embargu, tuvi en la Se\u00f1ora Fiesta quu’organiza Rodrigo Cuevas en Vegarrionda y prest\u00f3me pola vida. Dan pote roxu de peltre, por ciertu, en vez de vasu pl\u00e1sticu. Destacar la participaci\u00f3n, la collaboraci\u00f3n de la xente, la hermand\u00e1 y el bon rollu, aparte la calid\u00e1 les actuaciones. Paezme una maraviya qu’heba xente como \u00e9l enfotaos en \u00a0recuperar fiestes pa dar vida a los pueblos, pero fuxendo de misa y ramu. Per Pilo\u00f1a, a lo que tami\u00e9n me presta munchuo dir y soi socia, ye a los conciertos del Bocanegra, qu’un directivu de l’asociaci\u00f3n tami\u00e9n ye d’El Natahoyo, por ciertu.<\/p>\n\n\n\n

Un mus\u00e9u pa recomendar: <\/strong>Si tengo que quedame con un Mus\u00e9u, pa min ye’l Arqueol\u00f3xicu. Descubr\u00edlu cuando fac\u00eda Hestoria na plaza Feijoo y yera una colecci\u00f3n decimon\u00f3nica de pieces amontonaes. Ell\u00ed alcontr\u00e9me col sepulcru y la ll\u00e1pida de la mio Gontrodo, qu’agora tan nel claustru llimpios y destacaos, pero nin se ve\u00eden. Y ell\u00ed ta’l Picu Asturiense, esi minutu de gloria que tuvimos nel Neol\u00edticu, onde inventamos esi instrumentu l\u00edticu, \u00fanicu nel mundu, que consigue m\u00e1s metru de filu por quilu de piedra que neng\u00fan otru.<\/p>\n\n\n\n

Un momento de la hestoria d\u2019Asturies que te prestar\u00eda vivir: <\/strong>\u00bfMomentu de la Hestoria? T\u00e9ngolo claro. Cuando les tribus qu’habitaben los 300 castros d\u2019Asturies se llevantaron contra Roma nel 29 ac, nuna contienda que dur\u00f3 diez a\u00f1os y de la que nos queda como emblema La Carisa. La mio novela La Diosa contra Roma fala della y de aquel matriarc\u00e1u orixinal nos pueblos del Norte que cuntaba Estrab\u00f3n. Diz muncho de lo que somos y pa lo que quedamos, el fechu de que se celebre la Romanizaci\u00f3n y faigan fastos conmemorativos d’ella, mientres el Festival Astur Romanu de Carabanzu se fuera a pique, como les escavaciones arqueol\u00f3xiques, por falta financiaci\u00f3n.<\/p>\n\n\n\n

Un baille pa pasalo bien: <\/strong>Soi una vieya roquera, agora, en Lorient, apunt\u00e1bame al Fest Noz corriendo. La m\u00fasica celta y, en concretu, les dances bretones, son pegadices y saltarines<\/p>\n\n\n\n

Una pallabra n\u2019asturianu que te preste: <\/strong>Maiz\u00f3n. Entre maizones y babayos, asina tamos.<\/p>\n\n\n\n

Una tradici\u00f3n que nun pue perdese: <\/strong>La de faer vinu nel Occidente. Y\u00e1 ta constatada la vinicultura nos sieglos VIII y IX asociada a los conventos y da gustu ver como se ta recuperando. Hai un rapaz ventia\u00f1eru, Adry Fern\u00e1ndez, qu’am\u00e1s ye m\u00fasicu, que ta faciendo un vinu escelente con denominaci\u00f3n d’orixe de Cangas, El Se\u00f1or\u00edo de Ibias<\/em>, fechu con uva albar\u00edn blanco d’alta monta\u00f1a d’unes vides centenaries ye pa morrer. La muerte es m\u00eda, momentu publicitariu. (rises)<\/p>\n\n\n\n

Una espresi\u00f3n n\u2019asturianu que te preste: <\/strong>Cuando perblando, cuando perduro, nunca ta contentu’l g\u00fceyu del culu. Hai muncho repunante pel mundu, cada vegada m\u00e1s.<\/p>","protected":false},"excerpt":{"rendered":"

Pilar S\u00e1nchez Vicente naci\u00f3 en Xix\u00f3n nel a\u00f1u 1961. Estudi\u00f3 Xeograf\u00eda y Hestoria na Universid\u00e1 d’Uvi\u00e9u y trabay\u00f3 como hestoriadora, documentalista y escritora. Ente les sos obres atopamos La diosa contra Roma, Luci\u00e9rnagas en la Memoria o El fant\u00e1sticu viaxe de Selene. Ta acabante poner…<\/p>","protected":false},"author":1,"featured_media":2799,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[328,363],"tags":[],"class_list":["post-2795","post","type-post","status-publish","format-standard","has-post-thumbnail","hentry","category-personalidades","category-cuestionario"],"amp_enabled":true,"_links":{"self":[{"href":"https:\/\/verasturies.com\/ast_ast\/wp-json\/wp\/v2\/posts\/2795","targetHints":{"allow":["GET"]}}],"collection":[{"href":"https:\/\/verasturies.com\/ast_ast\/wp-json\/wp\/v2\/posts"}],"about":[{"href":"https:\/\/verasturies.com\/ast_ast\/wp-json\/wp\/v2\/types\/post"}],"author":[{"embeddable":true,"href":"https:\/\/verasturies.com\/ast_ast\/wp-json\/wp\/v2\/users\/1"}],"replies":[{"embeddable":true,"href":"https:\/\/verasturies.com\/ast_ast\/wp-json\/wp\/v2\/comments?post=2795"}],"version-history":[{"count":0,"href":"https:\/\/verasturies.com\/ast_ast\/wp-json\/wp\/v2\/posts\/2795\/revisions"}],"wp:featuredmedia":[{"embeddable":true,"href":"https:\/\/verasturies.com\/ast_ast\/wp-json\/wp\/v2\/media\/2799"}],"wp:attachment":[{"href":"https:\/\/verasturies.com\/ast_ast\/wp-json\/wp\/v2\/media?parent=2795"}],"wp:term":[{"taxonomy":"category","embeddable":true,"href":"https:\/\/verasturies.com\/ast_ast\/wp-json\/wp\/v2\/categories?post=2795"},{"taxonomy":"post_tag","embeddable":true,"href":"https:\/\/verasturies.com\/ast_ast\/wp-json\/wp\/v2\/tags?post=2795"}],"curies":[{"name":"wp","href":"https:\/\/api.w.org\/{rel}","templated":true}]}}