{"id":2847,"date":"2020-11-29T15:15:00","date_gmt":"2020-11-29T14:15:00","guid":{"rendered":"https:\/\/verasturies.com\/?p=2847"},"modified":"2020-11-05T11:30:48","modified_gmt":"2020-11-05T10:30:48","slug":"enrique-carballeira-questes-tierres-formen-parte-de-la-espana-vacia-diz-munchu-de-lo-perdia-que-ta-la-raza-humana","status":"publish","type":"post","link":"https:\/\/verasturies.com\/ast_ast\/enrique-carballeira-questes-tierres-formen-parte-de-la-espana-vacia-diz-munchu-de-lo-perdia-que-ta-la-raza-humana\/","title":{"rendered":"Enrique Carballeira: “Qu’estes tierres formen parte de la “Espa\u00f1a vac\u00eda” diz munchu de lo perd\u00eda que ta la raza humana”"},"content":{"rendered":"

L\u2019Infiestu (1970). Enrique Carballeira Melendi ye periodista y escritor. Ye autor de varios llibros pa rapacinos, de los qu\u2019elli mesmu ye l\u2019ilustrador: El cu\u00e9lebre y l\u2019home del espaciu<\/em> (1991), El pr\u00edncipe medranosu<\/em> (1992), El gaiteru de Sotu <\/em>(1993) y Les aventures de Xaime Bon, detective gal\u00e1cticu<\/em> (1995), Tres hestories de \u00d1ublina m\u00e1s una de propina<\/em> (1996) y El casu de los centollos xigantes<\/em> ya Les aventures de Pillu<\/em> . Tien escrito tami\u00e9n relatos p\u2019adultos. Colaborador habitual de la cadena radiof\u00f3nica Onda Cero, del diariu xixon\u00e9s El Comercio<\/em> y del semanariu en llingua asturiana Les Noticies<\/em>.<\/p>\n\n\n\n

Un llugar pa perdese una fin de selmana\u2026<\/strong><\/p>\n\n\n\n

Una viesca guapa de les munches que tenemos per Asturies. Como ye lo que m\u00e1s controlo, yo dir\u00eda que dalguna del oriente d’Asturies. La viesca alredor del \u00e1rea recreativa de La Pesanca o les munches rutes qu’atraviesen esa zona… Xubiendo en direici\u00f3n al picu V\u00edzcares, por exemplu. Na zona tampoco falten bones cases rurales y hotelinos pa quedase. Y tambi\u00e9n bonos llugares pa comer bien.<\/p>\n\n\n\n

Un llugar pa vivir\u2026<\/strong><\/p>\n\n\n\n

Equ\u00ed\u00a0nun voi ser orixinal. Tola vida llevo viviendo en L’Infiestu, en Pilo\u00f1a. Equ\u00ed ta tol mio universu asina que nun imaxino otru llugar meyor. Creo que nun echo nada a faltar. Bona xente, bon paisaxe, tranquilid\u00e1, ambiente sanu y grandes fiestes. Y hasta un mont\u00f3n de pantasmes bonos, de los que te faen compa\u00f1a cuando t’alcuentres solu.<\/p>\n\n\n\n

Un platu\u2026<\/strong><\/p>\n\n\n\n

\u00bf\u00dan nam\u00e1s? Voi dicir unos pocos, meyor. La Fabada, el pote, los garbanzos con llagost\u00edn, \u00a1tortos con picadiellu, empanada de cecina y quesu cabra! Y too fecho pola meyor cocinera que conozo: mio madre, claro.<\/p>\n\n\n\n

Un postre\u2026<\/strong><\/p>\n\n\n\n

La tarta d’ablanes de mio madre o la tarta casta\u00f1es de la mio muyer; la de turr\u00f3n de mio t\u00eda, o la de mazana que fice yo dalguna vez (poques) y que milagrosamente qued\u00f3 perbona. Lo de los postres pi\u00e9rdeme, la verd\u00e1. Soi mui llambi\u00f3n y les tartes son un viciu. Tami\u00e9n tolo que tenga que ver col chocolate.<\/p>\n\n\n\n

Una playa pa pasar el d\u00eda\u2026<\/strong><\/p>\n\n\n\n

Pues equ\u00ed van volver los pantasmes (bonos) del pas\u00e1u. Va munchos a\u00f1os que nun voi per ell\u00ed, dende ne\u00f1u en realid\u00e1, pero pas\u00e9 munchos y mui bonos d\u00edes na playa de Villahormes, en Llanes. Tami\u00e9n me presta un mont\u00f3n la playa de La Franca. Bonos llugares pa relaxase y descansar. Sobre too con poca xente.<\/p>\n\n\n\n

Un puebl\u00edn que nun podemos dexar de ver\u2026<\/strong><\/p>\n\n\n\n

Creo qu’otra vez nun voi ser orixinal porque ye \u00fan de los pueblos m\u00e1s visitaos del oriente y creo que d’Asturies: Espinar\u00e9u. Pero, popularid\u00e1 tur\u00edstica aparte, esta ye la tierra de nos. L’orixe y centru del universu particular d’esti que fala. Creo que nun hai llibru y cuentu que yo escribiera, nin dibuxu que fixera nestos a\u00f1os, que nun tuviera relaci\u00f3n, consciente o inconsciente, con esti llugar de Pilo\u00f1a. <\/p>\n\n\n\n

Un chigre pa tomar unos culinos\u2026<\/strong><\/p>\n\n\n\n

Pues, quedamos mesmamente en L’Infiestu en cualesquier bar\u00edn de la cai El Quesu, onde hai mui bon ambiente los veranos y cuasi tol a\u00f1u. Agora ta la cosa m\u00e1s complicada pol andanciu esti, pero esperemos que m\u00e1s pronto que tarde, se pueda volver a disfrutar ensin tantos problemes. Y mirando fuera d’Asturies, pues munchos de Portugal, pa\u00eds perguapu y con una gran hosteler\u00eda. Recuerdo con munchu gustu una comida mui especial nuna terraza d’una cai d’eses estrechines de Sintra, xunto a Lisboa.<\/p>\n\n\n\n

Un parque natural pa visitar\u2026<\/strong><\/p>\n\n\n\n

El parque de Redes ye un sitiu preciosu. Pura Asturies, con eses viesques, r\u00edos y montes. Una obra d’arte tol a\u00f1u, pero especialmente na seronda. Y tami\u00e9n lo tengo al llau de casa. La verd\u00e1 ye que n’Asturies ye perdif\u00edcil nun atopar un requexu pa sua\u00f1ar y pa vivir. Qu’estes tierres formen parte de la “Espa\u00f1a vac\u00eda” diz munchu de lo perd\u00eda que ta la raza humana. Pero, en fin… m\u00e1s pa nosotros.<\/p>\n\n\n\n

Una fiesta a la que nun faltar\u2026<\/strong><\/p>\n\n\n\n

El Festival de L’Ablana de L’Infiestu ye una fiesta mui guapa y mui tradicional. Pr\u00e9stame pol ambiente, porque la llevo viviendo tola vida y porque \u00f1aci\u00f3 pa promocionar y festexar un frutu que llevamos mui dientro en Pilo\u00f1a. Tami\u00e9n ye mui importante y una celebraci\u00f3n bien orixinal la Fiesta del Asturc\u00f3n, na mayada d’Espineres nel Sueve. Y otra mui piqui\u00f1ina pero que ta enllena d’amor y cari\u00f1u: la Romer\u00eda de l’asociacion protectora Animales de Oriente, en La Cueva, tami\u00e9n en L’Infiestu.<\/p>\n\n\n\n

Un mus\u00e9u pa recomendar\u2026<\/strong><\/p>\n\n\n\n

Pues mira, tami\u00e9n en L’Infiestu tenemos ‘La Casa’l Tiempu’, el mus\u00e9u del Rel\u00f3, un equipamientu pocu conoc\u00edu, tov\u00eda, pero que tien unos tesoros impresionantes, dif\u00edciles d’atopar, con miles de reloxes, ferramientes y documentaci\u00f3n. <\/p>\n\n\n\n

Un momentu de la hestoria d\u2019Asturies que te prestar\u00eda vivir\u2026<\/strong><\/p>\n\n\n\n

Bono, si fuera nam\u00e1s que pa un d\u00eda, prestar\u00edame asomame per una ventana temporal-dimensional a \u00fan d’esos d\u00edes de primavera o entamu de veranu, cuando los neandertales del Sidr\u00f3n, s’asoleyaben na parte fuera la cueva, quiciabes preparando dalguna ferramienta o cenciellamente descansando. Ten\u00eda que ser una vida mui dura, pero de xuru que tami\u00e9n hab\u00eda momentos de felicid\u00e1 y de paz. Si Asturies ye guapa agora, imaxin\u00e1i n’aquella d\u00f3mina.<\/p>\n\n\n\n

Un baille pa pasalo bien\u2026<\/strong><\/p>\n\n\n\n

Buf… Equ\u00ed si que me lo pones dif\u00edcil. Nesti casu creo que nun soi nada tradicional, asina que me pido dalgo pop-rock ochenteru…<\/p>\n\n\n\n

Una pallabra n\u2019asturianu que te preste\u2026<\/strong><\/p>\n\n\n\n

Llambionada<\/p>\n\n\n\n

Una tradici\u00f3n que nun pue perdese\u2026<\/strong><\/p>\n\n\n\n

Toles que tienen que ver coles llabores del campu y la vida rural asturiana, especialmente les relacionaes cola recoyida de les colleches y los frutos. Mag\u00fcestos, mesar y esbillar, la sidre casero, la esfoyaza…<\/p>\n\n\n\n

Una espresi\u00f3n n’asturianu que te preste…<\/strong><\/p>\n\n\n\n

Y\u00e1 tamos cagando fuera la pota…<\/p>","protected":false},"excerpt":{"rendered":"

L\u2019Infiestu (1970). Enrique Carballeira Melendi ye periodista y escritor. Ye autor de varios llibros pa rapacinos, de los qu\u2019elli mesmu ye l\u2019ilustrador: El cu\u00e9lebre y l\u2019home del espaciu (1991), El pr\u00edncipe medranosu (1992), El gaiteru de Sotu (1993) y Les aventures de Xaime Bon, detective gal\u00e1cticu (1995), Tres hestories de \u00d1ublina m\u00e1s una de…<\/p>","protected":false},"author":1,"featured_media":2851,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[363,328],"tags":[428,413,303,427],"class_list":["post-2847","post","type-post","status-publish","format-standard","has-post-thumbnail","hentry","category-cuestionario","category-personalidades","tag-llibros","tag-lliteratura-infantil","tag-pilona","tag-rapacinos"],"amp_enabled":true,"_links":{"self":[{"href":"https:\/\/verasturies.com\/ast_ast\/wp-json\/wp\/v2\/posts\/2847","targetHints":{"allow":["GET"]}}],"collection":[{"href":"https:\/\/verasturies.com\/ast_ast\/wp-json\/wp\/v2\/posts"}],"about":[{"href":"https:\/\/verasturies.com\/ast_ast\/wp-json\/wp\/v2\/types\/post"}],"author":[{"embeddable":true,"href":"https:\/\/verasturies.com\/ast_ast\/wp-json\/wp\/v2\/users\/1"}],"replies":[{"embeddable":true,"href":"https:\/\/verasturies.com\/ast_ast\/wp-json\/wp\/v2\/comments?post=2847"}],"version-history":[{"count":0,"href":"https:\/\/verasturies.com\/ast_ast\/wp-json\/wp\/v2\/posts\/2847\/revisions"}],"wp:featuredmedia":[{"embeddable":true,"href":"https:\/\/verasturies.com\/ast_ast\/wp-json\/wp\/v2\/media\/2851"}],"wp:attachment":[{"href":"https:\/\/verasturies.com\/ast_ast\/wp-json\/wp\/v2\/media?parent=2847"}],"wp:term":[{"taxonomy":"category","embeddable":true,"href":"https:\/\/verasturies.com\/ast_ast\/wp-json\/wp\/v2\/categories?post=2847"},{"taxonomy":"post_tag","embeddable":true,"href":"https:\/\/verasturies.com\/ast_ast\/wp-json\/wp\/v2\/tags?post=2847"}],"curies":[{"name":"wp","href":"https:\/\/api.w.org\/{rel}","templated":true}]}}