![\"\"](\"https:\/\/verasturies.com\/wp-content\/uploads\/2020\/12\/Portada-40-an\u0303os-def-724x1024-2.jpg\")
<\/figure><\/div>\n\n\n\nFoi y\u00e1 nel a\u00f1u 1981, cuando\u2019l \u00f3rganu plenu del Conseyu Rexonal d\u2019Asturies da\u2019l preste a los estatutos de l\u2019Academia de la Llingua Asturiana (Decretu 9\/1981, de 6 d\u2019abril). El 16 de mayu d\u2019esi a\u00f1u celebr\u00f3se la primer Xunta de l\u2019ALLA colos miembros escoy\u00edos per parte del Conseyu Rexonal y procedi\u00f3se al nomamientu de cargos.<\/p>\n\n\n\n
A partir d\u2019esti momentu fundacional, y a lo llargo d\u2019estos cuarenta a\u00f1os d\u2019esistencia de l\u2019Academia de la Llingua Asturiana, esta instituci\u00f3n vien cumpliendo dafechu col so mand\u00e1u estatutariu. Punxo asina a disposici\u00f3n de los falantes d\u2019asturianu les ferramientes normatives b\u00e1siques \u2013normes ortogr\u00e1fiques, gram\u00e1tica y diccionariu\u2013. Y cumpli\u00f3 d\u2019igual mou col so papel tutelar de mirar pol estatus social de la llingua y los derechos lling\u00fc\u00edsticos de la ciudadan\u00eda asturiana.<\/p>\n\n\n\n
Esto ye daqu\u00e9 que l\u2019ALLA siguir\u00e1 faciendo, g\u00fcei y nel futuru, p\u2019avanzar, per un llau, na estandarizaci\u00f3n de la llingua asturiana y, per otru llau, nel llogru de los nuesos derechos lling\u00fc\u00edsticos. Esto ye especialmente importante si nesta llexislatura, como esperamos, la reforma del Estatutu d\u2019Autonom\u00eda inxer la cooficialid\u00e1 de la llingua asturiana y del Eonaviegu nel so articul\u00e1u. Esti nuevu contestu nun camudar\u00e1 l\u2019activid\u00e1 acad\u00e9mica en cuantes al cumplimientu de los estatutos, sin\u00f3n que pondr\u00e1 nel centru del so llabor nuevos retos y xeres pa facer vidable la normalizaci\u00f3n social de la llingua hist\u00f3rica del pueblu asturianu.<\/p>\n\n\n\n