{"id":3367,"date":"2020-12-27T22:09:00","date_gmt":"2020-12-27T21:09:00","guid":{"rendered":"https:\/\/verasturies.com\/?p=3367"},"modified":"2020-12-27T22:16:27","modified_gmt":"2020-12-27T21:16:27","slug":"un-dia-en-casa-dandres-solar","status":"publish","type":"post","link":"https:\/\/verasturies.com\/ast_ast\/un-dia-en-casa-dandres-solar\/","title":{"rendered":"Un d\u00eda en casa d’Andr\u00e9s Solar"},"content":{"rendered":"

Un percorr\u00edu pelos llugares y la vida del escritor xixon\u00e9s del que se cumplen 36 a\u00f1os de la so tr\u00e1xica muerte nun accidente de tr\u00e1ficu<\/em><\/strong><\/p>\n\n\n\n

El 27 d\u2019avientu de 2004 el periodista Inaciu Gal\u00e1n espublizaba un especial per escrito del so programa Asina foi\u2026 El Surdimientu<\/em> dedic\u00e1u a la figura d’Andr\u00e9s Solar. Cumpli\u00e9nse ent\u00f3s venti a\u00f1os de la muerte del escritor de Deva. G\u00fcei, y col env\u00eds de facer un nuevu homenaxe a la figura del escritor xixon\u00e9s Andr\u00e9s Solar, y coincidiendo colos 36 a\u00f1os de la so muerte, recuperamos el reportaxe nel qu’Inaciu Gal\u00e1n cunta en primer persona la visita a la casa natal del autor onde pudo adientrase, gracies a la xenerosid\u00e1 de la so familia, nos espacios de la so vida.<\/p>\n\n\n\n

27\/12\/2004
\u2018Andres\u00edn nun ta con n\u00f3s, pero como lu recuerden tanto, paez que sigue equ\u00ed\u2019<\/strong><\/p>\n\n\n\n

A lo llargo de los \u00faltimos meses pasaron per ASINA FOI\u2026 EL SURDIMIENTU, personaxes de toles fasteres d\u2019esti movimientu de recuperaci\u00f3n y creaci\u00f3n. Pero toos ellos acabaron falando d\u2019Andr\u00e9s Solar. Tanto los que lu conoc\u00eden como los que non, quiciabes influy\u00edos por un a\u00f1u d\u2019alcordances a esgaya sobro la figura d\u2019Andr\u00e9s, nomaben a Andr\u00e9s como una de les sos mayores influyencies. Nun pod\u00edamos, dende\u2019l nuesu programa, escaecer la figura d\u2019esti home y anque por desgracia nun podemos entrevistalu, decidimos averanos a lo que foi\u2019l so mundiu pa escarbar un poco\u00f1\u00edn m\u00e1s na so vida y descubrir dalguna cosa nueva.<\/p>\n\n\n\n

La llegada a Deva<\/strong><\/p>\n\n\n\n

Unos d\u00edes enantes del venti cabuda\u00f1u d\u2019Andr\u00e9s Solar, aport\u00e9 a la casa d\u2019Andr\u00e9s Solar en Deva (Xix\u00f3n) n\u00fan de los d\u00edes m\u00e1s lluviosos del a\u00f1u y con un cielu demasi\u00e1u escuru pa la temprana hora de la tarde que yera. Ell\u00ed, y\u00e1 na calor del llar, esper\u00e1benme Lali Solar, la hermana d\u2019Andres\u00edn de Deva y el so home, Jes\u00fas. Con una sorrisa amable y unes pallabres d\u2019agradecimientu pola visita entramos nuna salina de la planta baxa. <\/p>\n\n\n\n

Dempu\u00e9s de da-yos les gracies pola oportunid\u00e1 que me daben de visitar la casa d\u2019Andr\u00e9s y por cuntame de primer mano la so vida, entamamos la charra al rodiu d\u2019Andr\u00e9s acompa\u00f1ada d\u2019unos \u00e1lbumes, que Jes\u00fas ten\u00eda preparaos pa ense\u00f1ame semeyes y documentos, en dalg\u00fan casu inda in\u00e9ditos.<\/p>\n\n\n\n

\"\"<\/figure>\n\n\n\n

Los manuscritos<\/strong><\/p>\n\n\n\n

\"\"<\/figure>\n\n\n\n

Mientres m\u2019ense\u00f1aben dalgunos de los manuscritos, y\u00e1 espuestos l\u2019a\u00f1u pas\u00e1u, Lali comentaba \u201cAndr\u00e9s nun s\u00e9 d\u2019\u00f3nde sacaba\u2019l tiempu, el fac\u00eda los llabores de la caser\u00eda y dempu\u00e9s zarr\u00e1base ell\u00ed arriba y escrib\u00eda, primero a mano y dempu\u00e9s con una maquina d\u2019escribir que-y regal\u00f3 Carlos Rubiera cuando esti merc\u00f3 una nueva pa \u00e9l\u201d. Pero \u00fan de les coses qu\u2019esperaba yeren unos documentos que permanecieren guardaos dende que morri\u00f3 y que y\u00e1 me comentaren per tel\u00e9fonu, diba ser el primeru, ayenu a la familia, en velos: \u201cMira, estos son los famosos cuentos escritos en sacos de piensu, que-y correx\u00eda Carlos Rubiera\u201d, esplic\u00f3me Lali.<\/p>\n\n\n\n

\"\"<\/figure>\n\n\n\n

Dempu\u00e9s saquen unos documentos de la funda tresparente de pl\u00e1sticu y comenten: \u201cEqu\u00ed hai coses tov\u00eda ensin espublizar, qu\u2019apaecieron dempu\u00e9s de la esposici\u00f3n del a\u00f1u pas\u00e1u, taben ente peri\u00f3dicos. Tendr\u00e9 que-ylo dicir a Ram\u00f3n d\u2019Andr\u00e9s pa que lo venga a ver\u201d -a\u00f1ade Lali.<\/p>\n\n\n\n

Ente rises Lali, cola naturalid\u00e1 cola qu\u2019una hermana fala del so hermanu, diz: \u201cYo la lletra d\u2019Andr\u00e9s nun la entiendo, nun me gusta, ye mui retorcida (rises)\u201d.<\/p>\n\n\n\n

\"\"<\/figure>\n\n\n\n

Ente los papeles d\u2019Andr\u00e9s hai munches cartes y publicaciones de Conceyu Bable, de l\u2019ALLA, postales d\u2019amigos, una de les primeres n\u00f3mines de la hestoria por ser profesor d\u2019asturianu na Universid\u00e1 Popular de Xix\u00f3n, etc. Par\u00e1monos especialmente pa ver el recordatoriu de la so primer comuni\u00f3n, que ye la primera vegada que pue vese, pues tami\u00e9n apaeci\u00f3 dempu\u00e9s de la esposici\u00f3n-homenaxe.<\/p>\n\n\n\n

\"\"<\/figure><\/div>\n\n\n\n

El so llar<\/strong><\/p>\n\n\n\n

\"\"<\/figure>\n\n\n\n

Tar en casa d\u2019Andr\u00e9s y dir visitando cada cuartu, faite comprender la so lliteratura, les sos idees, la so forma de ver el mundu\u2026 Dalgunes de les sales fueren tresformaes dende ent\u00f3s, pero otres inda caltienen la imaxe qu\u2019Andres\u00edn tuvo d\u2019elles. \u201cInda ye como si fuere apaecer escalera p\u2019abaxo dende\u2019l segundu pisu, onde munches vegaes escrib\u00eda\u201d -dixo Lali nun momentu de la entrevista.<\/p>\n\n\n\n

El cuartu d\u2019Andr\u00e9s sigue pr\u00e1cticamente igual, nam\u00e1s qu\u2019agora un diploma d\u2019un concursu gan\u00e1u por Solar, cuelga de la parede. Pero tola casa, alcordances d\u2019Andr\u00e9s, amuesen la importancia, que\u2019l recuerdu Andr\u00e9s inda tien pa la so familia.<\/p>\n\n\n\n

\"\"<\/figure>\n\n\n\n

Ente otres coses podemos ver el y\u00e1 famosu retratu d\u2019Andr\u00e9s, fechu por Lluis Ant\u00f3n Gonz\u00e1lez y utiliz\u00e1u pa la imaxe de la so Selmana de les Lletres, esti a\u00f1u pas\u00e1u.<\/p>\n\n\n\n

La so personalid\u00e1<\/strong><\/p>\n\n\n\n

La personalid\u00e1 d\u2019Andr\u00e9s foi comentaba a lo llargo d\u2019esti a\u00f1u por aquellos que lu conoc\u00eden. Yera un home call\u00e1u, munchos dicen que mui domin\u00e1u polos so pas. Pero \u00bfqu\u00e9 piensen los que viv\u00eden con elli?. \u2018Andres\u00edn yera mui call\u00e1u -cu\u00e9ntanos Jes\u00fas-, cuando yo vini a vivir equ\u00ed cuasi nun lu conoc\u00eda, dempu\u00e9s fui conoci\u00e9ndolu m\u00e1s, pero con too yera mui reserv\u00e1u\u2019.<\/p>\n\n\n\n

\"\"
Lali ens\u00e9\u00f1ame una semeya de carn\u00e9 d’Andr\u00e9s.<\/figcaption><\/figure><\/div>\n\n\n\n

Pa conocer la forma de ser d\u2019Andr\u00e9s Solar nun hai naide meyor que la so propia hermana. A Andr\u00e9s nun-y prestaba presumir de lo que fac\u00eda, nin de los premios que ganaba. Lali recuerda una an\u00e9cdota que lo demuestra: \u2018Alcu\u00e9rdome cuando un d\u00eda march\u00f3 de casa y nun mos dixo pa \u00f3nde. Si nun ye por que lu vemos en Panorama Regional<\/em> recibiendo un premiu n\u2019Uvi\u00e9u, toi segura que nun mos diz nada\u2019.<\/p>\n\n\n\n

\"\"<\/figure>\n\n\n\n

Jes\u00fas alcord\u00f3se tami\u00e9n d\u2019otra an\u00e9cdota sobre Andr\u00e9s, na so boda con Lali: \u2018Na nuesa boda, sent\u00e1mosla al llau d\u2019una t\u00eda de mio que fuere monxa y nun falo nin gota con ella en tola comida. <\/p>\n\n\n\n

\"\"<\/figure>\n\n\n\n

Al acabar la boda, la mio t\u00eda d\u00edxome que nun sab\u00eda c\u00f3mo sonaba la so voz, que paec\u00eda de piedra. Nun supi que-y dicir, Andres\u00edn yera asina\u2019. Jes\u00fas mu\u00e9stranos una semeya in\u00e9dita qu\u2019ilustra esi momentu.<\/p>\n\n\n\n

\"\"<\/figure>\n\n\n\n

Por embargu Andr\u00e9s, que yera tan retra\u00edu pa unes coses, ten\u00eda otros comportamientos que dexaben ver, que no que cinca a los sos or\u00edxenes asturianos y rurales, nun ten\u00eda neng\u00fan complexu nin vergo\u00f1a: \u2018Andr\u00e9s siempre diba en madre\u00f1es. Alcu\u00e9rdome d\u2019un d\u00eda que se punxo malu y fuimos con \u00e9l, al ambulatoriu de la Puerta la Villa, en Xix\u00f3n. Diba per aquel pasiellu en madre\u00f1es y tol mundu quedaba abluc\u00e1u. Inclusive nel accidente, que-y cost\u00f3 la vida, apaecieron les madre\u00f1es perh\u00ed. Nun s\u00e9 que foi d\u2019elles, pero prestar\u00edame teneles. Ye un recuerdu perguapu\u2019.<\/p>\n\n\n\n

\"\"
La que foi la so guitarra.<\/figcaption><\/figure>\n\n\n\n

Andr\u00e9s Solar escribi\u00f3, punxo clases de llingua asturiana, form\u00f3 parte d\u2019un grupu pa ne\u00f1os, etc. Pero am\u00e1s, ten\u00eda dalguna afici\u00f3n que la so curtia vida nun-y permiti\u00f3 llevar alantre del too. Mientres Jes\u00fas mos ense\u00f1a una llibreta de pentagrames d\u2019Andr\u00e9s con nam\u00e1s unes poques fueyes escrites Lali cu\u00e9ntamos: \u2018Andr\u00e9s tocaba la guitarra, esa que ta eh\u00ed. Y tami\u00e9n la gaita. Anque nun lleg\u00f3 a facelo mui bien, quiciabes de vivir m\u00e1s llegare a tocar dalgo m\u00e1s\u2019. Mientres siguimos falando, vamos a la cocina de la casa y Lali prepara un caf\u00e9 col sabor del lleche puro, propio de les vaques d\u2019aquella caser\u00eda. Vaques qu\u2019Andr\u00e9s llindaba munches vegaes y que m\u00e1s tarde pudimos ver.<\/p>\n\n\n\n

\"\"
Lali na cuadra na que curiaba les vaques Andr\u00e9s Solar.<\/figcaption><\/figure>\n\n\n\n

La charra sigui\u00f3 agora per otros llugares. Y ye qu\u2019hebo dalgo, esterno a aquella casa, que fixo qu\u2019Andr\u00e9s entamara a preocupase pola llingua y cultura asturianes, la pol\u00edtica, etc.: Conocer a Carlos Rubiera. Sobre Andr\u00e9s, opina esti al final d\u2019esti reportaxe. Pero, c\u00f3mo sent\u00f3 en casa d\u2019Andr\u00e9s la entrada nesto del asturianismu. <\/p>\n\n\n\n

\"\"
El grupu de la escuela d’Andr\u00e9s Solar.<\/figcaption><\/figure>\n\n\n\n

‘El nuesu p\u00e1, a vegaes ri\u00f1\u00edalu por metese nes coses del bable -cuenta Lali. Nun entend\u00eda, magar que yera falante d\u2019asturianu, la utilid\u00e1 de facer aquello’. La rellaci\u00f3n d\u2019Andr\u00e9s cola Ilesia yera mui negativa. Neg\u00e1base a entrar na ilesia, inclusive n\u2019actos familiares importantes, como la comuni\u00f3n del so sobr\u00edn y afiy\u00e1u, Inacio.<\/p>\n\n\n\n

\"\"<\/figure>\n\n\n\n

Al marchar y despidime de Lali, echo una g\u00fceyada al paisaxe nocherniegu de Deva y recuerdo les pallabres d\u2019Helena Trejo, qu\u2019anque como yo nun conoci\u00f3 a Andres\u00edn, siente un daqu\u00e9 al percorrer Deva: \u201cSiempre que toi per Deva paez que siento la presencia del Andres\u00edn al que tantes vegaes lleo. Ye un llugar especial, cuasi m\u00e1xicu. Tien un rellumu de llucha\u201d.<\/p>\n\n\n\n

Asina falaron d\u2019Andr\u00e9s Solar n\u2019ASINA FOI\u2026 EL SURDIMIENTU<\/strong><\/p>\n\n\n\n

Ram\u00f3n d\u2019Andr\u00e9s: <\/strong>Andr\u00e9s y yo y\u00e9ramos grandes amigos. Col trabayu de campu de la parroquia de Deva nel branu de 1984 ayud\u00f3me muncho elli y la so familia.<\/p>\n\n\n\n

Helena Trejo: <\/strong>La muerte d\u2019Andr\u00e9s Solar nel 84 foi l\u2019acontecimientu m\u00e1s importante del Surdimientu. El tastu foi mui amargu pa la comunid\u00e1 falante asturiana en xeneral. Yo nun lu conoc\u00ed, conozo los sos poemes, que faen respigar, ye como si corriere un arume de llucha y de griesca, a la par po\u00e9tica pa toos n\u00f3s, ta dici\u00e9ndonos \u2018yo toi equ\u00ed pero siguir p\u2019alantre, siguir\u2026 una sensaci\u00f3n mui fuerte.<\/p>\n\n\n\n

Carlos Rubiera:<\/strong> D\u2019Andr\u00e9s Solar, recu\u00e9rdolo too. Andr\u00e9s Solar contact\u00f3 col asturianismu al travi\u00e9s de min. Apaeci\u00f3 un d\u00eda pela ma\u00f1ana y en bicicleta nel chigre de los mio pas y ven\u00eda cola intenci\u00f3n de contratame pa la fiesta de Deva. A partir d\u2019eh\u00ed entam\u00f3 una rellaci\u00f3n, an que fuimos mui, mui amigos. Al principiu yo fui\u2019l so maestru, realmente deprend\u00edlu a escribir, a poner comes, puntos a separtar les idees, etc. Correx\u00ed-y los primeros cuentos, lleg\u00f3 un momentu que sab\u00eda escribir meyor que yo y dixi-y, \u2018\u00a1Andr\u00e9s, nun me traigas m\u00e1s, qu\u2019echo muncho tiempu!\u2019 (rises). El primer cuentu tr\u00e1xomelu en fueyes cortaes de sacos de piensu, yera Toni y pas\u00e9-ylu yo a maquina, algam\u00f3 un premiu con elli. V\u00edamosmos mui a menudu y trabay\u00e1bamos muncho xuntos. Dempu\u00e9s ca\u00fan tuvo la vida m\u00e1s independiente, el sigui\u00f3 escribiendo y lleg\u00f3 a escribir mui bien, tien dalgunos cuentos estraordinariamente bonos y taba nel cam\u00edn de la \u00f1ovela, pero tuvo mala suerte, un accidente de tr\u00e1ficu que nun s\u00f3lo-y seg\u00f3 la vida a \u00e9l, sin\u00f3n al gran escritor futuru que llevaba dientro, acabo con too.<\/p>\n\n\n\n

Un a\u00f1u d’homenaxe<\/strong><\/p>\n\n\n\n

\"\"<\/figure>\n\n\n\n

L\u2019a\u00f1u 2004 foi pal asturianismu, l\u2019a\u00f1u d\u2019Andr\u00e9s Solar. Un a\u00f1u enllenu d\u2019homenaxes, alcordances y publicaciones sobre elli. Lali Solar recuerda esti a\u00f1u con muncho ci\u00f1u y reconoz que: \u201cSab\u00eda que lu quer\u00eden. Pero non tanto. Cuando la Selmana de les Lletres, pens\u00e9 \u00a1madre m\u00eda, ye imposible!\u201d.<\/p>\n\n\n\n

\"\"<\/figure>\n\n\n\n

Dende equ\u00ed, y agora que se celebren, otru a\u00f1u m\u00e1s, los Premios Andr\u00e9s Solar, queremos reconocer la figura d\u2019Andr\u00e9s y l\u2019aportaci\u00f3n qu\u2019al travi\u00e9s de la so lliteratura mos dex\u00f3. Andr\u00e9s Solar foi una voz del Surdimientu, pero sigue siendo muncho m\u00e1s qu\u2019eso. Un faru qu\u2019alluma\u2019l nuesu cam\u00edn, una fuercia que mos da esperanza<\/p>\n\n\n\n

\"\"<\/figure>\n\n\n\n

Gracies a Lali Solar, Jes\u00fas Rodr\u00edguez ya Inacio R. Solar.
Testu y semeyes: Inaciu Gal\u00e1n y Gonz\u00e1lez.<\/p>\n\n\n\n

\"\"<\/figure>","protected":false},"excerpt":{"rendered":"

Un percorr\u00edu pelos llugares y la vida del escritor xixon\u00e9s del que se cumplen 36 a\u00f1os de la so tr\u00e1xica muerte nun accidente de tr\u00e1ficu El 27 d\u2019avientu de 2004 el periodista Inaciu Gal\u00e1n espublizaba un especial per escrito del so programa Asina foi\u2026 El…<\/p>","protected":false},"author":1,"featured_media":3385,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[280,405,287],"tags":[],"class_list":["post-3367","post","type-post","status-publish","format-standard","has-post-thumbnail","hentry","category-actualidad","category-cultura","category-curiosidades"],"amp_enabled":true,"_links":{"self":[{"href":"https:\/\/verasturies.com\/ast_ast\/wp-json\/wp\/v2\/posts\/3367","targetHints":{"allow":["GET"]}}],"collection":[{"href":"https:\/\/verasturies.com\/ast_ast\/wp-json\/wp\/v2\/posts"}],"about":[{"href":"https:\/\/verasturies.com\/ast_ast\/wp-json\/wp\/v2\/types\/post"}],"author":[{"embeddable":true,"href":"https:\/\/verasturies.com\/ast_ast\/wp-json\/wp\/v2\/users\/1"}],"replies":[{"embeddable":true,"href":"https:\/\/verasturies.com\/ast_ast\/wp-json\/wp\/v2\/comments?post=3367"}],"version-history":[{"count":0,"href":"https:\/\/verasturies.com\/ast_ast\/wp-json\/wp\/v2\/posts\/3367\/revisions"}],"wp:featuredmedia":[{"embeddable":true,"href":"https:\/\/verasturies.com\/ast_ast\/wp-json\/wp\/v2\/media\/3385"}],"wp:attachment":[{"href":"https:\/\/verasturies.com\/ast_ast\/wp-json\/wp\/v2\/media?parent=3367"}],"wp:term":[{"taxonomy":"category","embeddable":true,"href":"https:\/\/verasturies.com\/ast_ast\/wp-json\/wp\/v2\/categories?post=3367"},{"taxonomy":"post_tag","embeddable":true,"href":"https:\/\/verasturies.com\/ast_ast\/wp-json\/wp\/v2\/tags?post=3367"}],"curies":[{"name":"wp","href":"https:\/\/api.w.org\/{rel}","templated":true}]}}