Poques coses pueden facer la nuesa vida m\u00e1s amena y dulce qu'escuchar una bona hestoria. Y\u00e1 seya al travi\u00e9s de la tele, el cine, la radio, un llibru o'l teatru, el ser humanu lleva somorgui\u00e1ndose na ficci\u00f3n dende los tiempos de los griegos cl\u00e1sicos, escaeciendo tolos males que se-y vienen o se-y pueden venir enriba. De s\u00f3pitu, la nuesa mayor preocupaci\u00f3n nun ye la hipoteca, nin esi informe que tienes qu'apurrir nel trabayu, o si tas en paru, nin siquier el malditu andanciu. De s\u00f3pitu t'esmolez que'l protagonista atope l'amor, o consiga esa ayalga escondida, o simplemente, que se salga cola suya nesa travesura tan graciosa que ta preparando. Y esa ye la maxa cola que la ficci\u00f3n llena la nuesa vida. El protagonista d'esti art\u00edculu lleva tola vida cunt\u00e1ndonos les hestories m\u00e1s gracioses y emotives que pudimos oyer nes \u00faltimes d\u00e9cades: Tom\u00e1s (Tom) Fern\u00e1ndez.<\/p>\n\n\n\n
Tom naci\u00f3 n'una pequena aldega d'Uvi\u00e9u en 1971. Dende bien peque\u00f1u interes\u00f3se pola lliteratura y les hestories y con pocu m\u00e1s de venti a\u00f1os empez\u00f3 la so andadura pelos medios audiovisuales. A mediaos de los a\u00f1os 90 empez\u00f3 a escribir y dirixir curtiumetraxes de forma amateur, sofit\u00e1u pola Conseyer\u00eda de Cultura del Princip\u00e1u d'Asturies. Les sos ganes y dedicaci\u00f3n a la de cuntar hestories acabaron dando los sos frutos col so curtiumetraxe Los huracanes, el surf y los Sioux<\/em>, que gan\u00f3'l premiu al meyor curtiumetraxe nel concursu Art. Nal\u00f3n de 1997.<\/p>\n\n\n\n Xusto un a\u00f1u dempu\u00e9s la so vida dar\u00eda un vuelcu al fichar pola productora Globomedia, na qu'entr\u00f3 a formar parte del equipu de guionistes de 7 Vidas <\/em>(1999). Trat\u00e1base d'una sitcom <\/em>que cuntaba los desvar\u00edos d'un grupu de mozos que viv\u00eden nel centru de Madrid. La serie result\u00f3 revolucionaria pola so forma de grabar y el so tempo<\/em> al estilu americanu. Result\u00f3 un trampol\u00edn pa actores que g\u00fcei tienen un gran prestixu como Blanca Portillo, Carmen Machi, Paz Vega, Gonzalo de Castro o Javier C\u00e1mara. Foi precisamente con estos dos \u00faltimos con quien entabl\u00f3 mayor amist\u00e1.<\/p>\n\n\n\n