{"id":4589,"date":"2021-02-25T11:59:36","date_gmt":"2021-02-25T10:59:36","guid":{"rendered":"https:\/\/verasturies.com\/?p=4589"},"modified":"2021-02-25T11:59:37","modified_gmt":"2021-02-25T10:59:37","slug":"la-tragedia-del-musel-xixon-1913","status":"publish","type":"post","link":"https:\/\/verasturies.com\/ast_ast\/la-tragedia-del-musel-xixon-1913\/","title":{"rendered":"La tragedia del Musel (Xix\u00f3n, 1913)"},"content":{"rendered":"

Par\u00f3 de llover a cinco minutos de la volaura. El golor a salitre y mugor anubri\u00f3 l'ambiente densu del Musel aquella tarde, y los centenares de persones que s'atacaben frente al monte del Tang\u00e1n alendaron fondu, tragando aquel arume intenso a mar, esfrutando de la tregua climatol\u00f3xica y esperando el momentu en qu'el Tang\u00e1n vini\u00e9rase embaxo, fechu escombros, por obra y millagru de la ciencia y del remangu de Victoriano Alvargonz\u00e1lez, visiblemente nerviosu cola so gorra kepis. Cuando dieron la voz de \u201c\u00a1fueu!\u201d y los barreneros activaron les seis tonelaes de dinamita, f\u00edxose'l silenciu. Instant\u00e1neamente, la tierra espa\u00f1\u00f3 y, tres escasos segundos d'estrueldu, anubri\u00f3 tol golor met\u00e1lico de la metralla, el terrosu del polvu y el dulz\u00f3n de la muerte. Al llau del almac\u00e9n de la Rolloba aterriz\u00f3 una kepis cubierta de sangre. Y ent\u00f3s, solo ent\u00f3s, toos glayaron.<\/p>\n\n\n\n

Foi la mayor cat\u00e1strofe de toles enxam\u00e1s hab\u00edes en Xix\u00f3n. A principios de 1913, la necesid\u00e1 d'escombru para la construcci\u00f3n de la estaci\u00f3n mar\u00edtima del puertu xixon\u00e9s fixo que se proyectara la voladura controlada del Tang\u00e1n, n'El Musel, para'l 25 de febreru. Sali\u00f3 mal. Esi d\u00eda, a les seis y diez de la tarde, la dinamita foi activada y, contra tou pron\u00f3sticu, desafog\u00f3 nuna brecha soterranea, que los inxenieros nun alvirtieron. Tola fuerza de la esplosi\u00f3n sali\u00f3 pol furacu central, xener\u00e1ndose una esplosi\u00f3n de m\u00e1s de diez metros de largor tres d\u2019una detonaci\u00f3n que, seg\u00fan dixo EL COMERCIO al otru d\u00eda, fora \u00abcomo un fusilamiento\u00bb: piedres descarg\u00e1ndose violentamente sobre'l p\u00fablicu, la tierra fundi\u00e9ndose so los pies de los centenares de curiosos que s'atopaben guardando la volaura, l'asfaltu que fa\u00eda agora les vegaes de metralla ya inclusive, llegaron a dicir, brazos, piernes, torsos que, esgazaos de los sos correspondientes cuerpos con tola violencia que solo pueden apurrir miles de quilos de dinamita, sobrevolaron l'aire.<\/p>\n\n\n\n

\"\"<\/figure><\/div>\n\n\n\n

Morrieron Victoriano Alvargonz\u00e1lez, Jos\u00e9 Iglesias, Castor Lajo, Eulalio Lajo, Antonio Garc\u00eda Cueto, Miguel Fern\u00e1ndez, Castor Nieto, Lorenzo Mor\u00e1n, Adolfo Toral, Celestino Bust, Jacinto P\u00e9rez, Anacleto Rico, \u00c1lvaro Garc\u00eda, Antonio Delgado, Agust\u00edn Castro, Antonio Cueto, Alfonso Guarido, Bernab\u00e9 Garc\u00eda, Emilio Garc\u00eda, Remigio Valverde, Eusebio Alonso y Miguel L\u00f3pez. Con t\u00f3o, pudo ser peor. Dellos fechos providenciales fixeron que'l llist\u00e1u de muertos \u00absolo\u00bb xubiera a ventid\u00f3s: la voladura nun foi anunciada pola prensa, atrayendo solo a quien, por ser trabayadores del Musel o emparentaos con dalg\u00fan, ten\u00eden conocencia d'ella; l'agua y el vientu, continuos mientres tol d\u00eda, fixeren que munches persones se quedaren en casa y, millagrosamente, les casetes que guardaben pistones de dinamita pela redolada nun foron algamaes poles piedres, evit\u00e1ndose asina esplosiones paraleles a la principal. Aun as\u00ed, aquel d\u00eda enllenaron los hospitales: m\u00e1s de medio centenar de persones, ente mancaos y muertos, colapsar\u00eden les ambulancies y les cames del hospital de Carid\u00e1, na cai Xovellanos.<\/p>\n\n\n\n

Les primeres calabres forona topaes cuando ent\u00e1 allumaba, anque y\u00e1 bien tenuemente, la lluz del sol. Apaecieron al llau de les casetes del contratista Alvargonz\u00e1lez, dedicaes a almac\u00e9n de cementu y ferramienta, que quedaron estrozaes por completu. Ell\u00ed, ensin piernes y ensin cabeza, pero sosteniendo inda con fuerza'l sombreru nuna mano, atoparon el cuerpu del xofer de Alvargonz\u00e1lez; al llau, col rel\u00f3 par\u00e1u a les seis en puntu, reposaba'l del obreru Antonio Garc\u00eda. Foron solo los primeres. Mientres tola nueche, el Xulg\u00e1u de Guardia trabay\u00f3 ensin descansu, y con non poques dificultaes t\u00e9cniques, p'atopar los restos de tolos dem\u00e1s: obreros, Guardia Civil y bomberos removieron les roques delles hores, allumaos apenes pola tenue lluz de les ll\u00e1mpares d'esquistu y acetilenu y al son de los glay\u00edos de dolor de los familiares de quien, aquella tarde, nun volvieron a casa. <\/p>\n\n\n\n

\"\"<\/figure><\/div>\n\n\n\n

La desgracia, tan tristemente necesaria dacuando p'atopanos de focicu cola realid\u00e1, punxo de relieve les faltes econ\u00f3miques de la sanid\u00e1 xixonesa. Aquella nueche, tolos m\u00e9dicos de la poblaci\u00f3n emprestaron voluntarios p'atender a los mancaos. Pico, Ola\u00f1eta, Vi\u00f1a, Fern\u00e1ndez Acebal, Poblaci\u00f3n, Gonz\u00e1lez, Escalera, Balbuena y Fournier, Toral, Trapote y Cifuentes ya inclusive Cadenaba, cangu\u00e9s pero que pasaba unos d\u00edes de descansu en Xix\u00f3n, present\u00e1ronse na Casa de Socorru y curaron fer\u00edes, operaron cabeces y cortaron pienres ensin tener c\u00f3mo: nin material, nin cames, nin personal, nin nada. Los reporteros de EL COMERCIO que visitaben a los enfermos foron testigos de c\u00f3mo se cortaba una pierna necrosada a Juan \u00c1lvarez, pe\u00f3n, ensin anestesia y metanes berr\u00edos de dolor. Nun hab\u00eda dineru pa narc\u00f3ticos y, na desesperaci\u00f3n, los m\u00e9licos rogaron que t\u00f3o aquel que tuviera beb\u00edes alcoh\u00f3liques na so casa, cuanto peores meyor, les donase p'adormecer, siquier, a los agonizantes y a los operaos. Nun primer visu de lo que ser\u00eda unu de los mayores movimientos de solidarid\u00e1 que conoci\u00f3 Xix\u00f3n na so hestoria, el Club de Regates dex\u00f3 t\u00f3o\u2019l so mueble bar a los enfermos, botelles de champagne (d\u00e1base como reconstituyente, en cuyaraes, a quien flaqueasen de fuercia) incluy\u00edes.<\/p>\n\n\n\n

Nun foron los \u00fanicos. Por selmanes, les telegrames de sofitu anubrieron la villa de Xovellanos, les suscripciones populares consiguieron recoyer miles de pesetes pa les v\u00edctimes m\u00e1s neceesit\u00e1es y los artistes, que'l d\u00eda de la traxedia suspendieren les sos funciones pa dir enterase de qu\u00e9 yera lo que xeneraba tantu movimientu nes cais, actuaron de baldre pa recaldar fondos nel Dindurra y nel Xovellanos, tocaron nel funeral de les v\u00edctimes ya inclusive llegaron a entamase corr\u00edes de toros ben\u00e9fiques pa socorrer a les families de los muertos. La desgracia llev\u00f3 a conocer otres: la de Lorenzo Mor\u00e1n, unu de los finaos, con que'l so sueldu sostener la so f\u00eda \u00c1gueda y les sos dos nietes, dempu\u00e9s de ser abandonaes pol so home y padre; o la de Jacinto P\u00e9rez, que viv\u00eda nuna casa en Xove onde nin siquier hab\u00eda cames. <\/p>\n\n\n\n

Miseria y dolor que, anque non del t\u00f3o, consigui\u00f3 aselar la solidarid\u00e1 de les m\u00e1s de trenta mil persones qu'asistieron al funeral de les v\u00edctimes y que presidi\u00f3'l rei Alfonso XIII, represent\u00e1u pol Ministru de Fomentu. El 27 de febreru, toles v\u00edctimes menos dos (Eusebio Alonso morri\u00f3 aquella mesma tarde, y la muerte de Miguel Fern\u00e1ndez foi reclamada pola so familia como parte del accidente dempu\u00f1es) soterr\u00e1ronse con honores nel Sucu, tres una multitudinaria procesi\u00f3n que, sol orbayu, foi parando por tola ciud\u00e1. Acompa\u00f1ar personalidaes, families, curiosos, autoridaes, la banda de m\u00fasica y l'orfe\u00f3n; la compa\u00f1\u00eda el\u00e9ctrica suministr\u00f3 lluz mientres tol percorr\u00edu a la comitiva y, al otru d\u00eda, na Casa de Socorru, el m\u00e1s animosu de tolos mancaos, el vascu Tom\u00e1s Amutio, pidi\u00f3 a los reporteros de EL COMERCIO un exemplar del peri\u00f3dicu pa lleer en voz n'alta tolos detalles del funeral a los sos compa\u00f1eros. <\/p>\n\n\n\n

Los f\u00e9retros fueron diecinueve, los muertos veintiuno o ventid\u00f3s, seg\u00fan interpretemos la hestoria. Asocedi\u00f3 que, nos primeros d\u00edes de la traxedia, un ne\u00f1u llam\u00e1u Juli\u00e1n Mi\u00f1ambres, que se curaba de les sos fer\u00edes na Casa de Socorru, asegur\u00f3 que \u00fan de los muertos, Castor Nieto, yera'l so padrastru por uni\u00f3n con Modesta, la so madre natural. Otru Castor, nesta ocasi\u00f3n d'apell\u00edu Lajo, apaez na llista de muertos \u2013que, sicas\u00ed, la prensa caltien en n\u00famberu de veintiuno- solo una vegada que se certifica qu'hai dos muyeres que reclamen ser viudes d'un home llam\u00e1u Castor. \u00bfFoi tracamundiu de los reporteros? \u00bfEsistieron dos Castores o solamente \u00fan? Poco importa ya. Dambes muyeres foron socorr\u00edes pola solidarid\u00e1 vecinal y Eulalio Lajo, el f\u00edu del segundu Castor, soterr\u00e1u al pie del so padre. Aquel d\u00eda ten\u00eda de partir de vuelta al serviciu militar tres unos d\u00edes de permisu en Xix\u00f3n; fora ver la volaura, por entretenimientu, cola so familia. La peor de les traxedies (l'accidental, la que nun tien m\u00e1s culpables que la mala suerte) fixo qu'aquello fora lo \u00faltimo que fixeren xuntos.<\/p>","protected":false},"excerpt":{"rendered":"

Par\u00f3 de llover a cinco minutos de la voladura. El olor a salitre y humedad inund\u00f3 el ambiente abigarrado del Musel aquella tarde, y los centenares de personas que se agolpaban frente a la monta\u00f1a del Tang\u00e1n respiraron hondo, absorbiendo aquel aroma intenso a mar,…<\/p>","protected":false},"author":4,"featured_media":4591,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[1,606],"tags":[],"class_list":["post-4589","post","type-post","status-publish","format-standard","has-post-thumbnail","hentry","category-curiosidades-curiosidades","category-efemerides"],"amp_enabled":true,"_links":{"self":[{"href":"https:\/\/verasturies.com\/ast_ast\/wp-json\/wp\/v2\/posts\/4589","targetHints":{"allow":["GET"]}}],"collection":[{"href":"https:\/\/verasturies.com\/ast_ast\/wp-json\/wp\/v2\/posts"}],"about":[{"href":"https:\/\/verasturies.com\/ast_ast\/wp-json\/wp\/v2\/types\/post"}],"author":[{"embeddable":true,"href":"https:\/\/verasturies.com\/ast_ast\/wp-json\/wp\/v2\/users\/4"}],"replies":[{"embeddable":true,"href":"https:\/\/verasturies.com\/ast_ast\/wp-json\/wp\/v2\/comments?post=4589"}],"version-history":[{"count":0,"href":"https:\/\/verasturies.com\/ast_ast\/wp-json\/wp\/v2\/posts\/4589\/revisions"}],"wp:featuredmedia":[{"embeddable":true,"href":"https:\/\/verasturies.com\/ast_ast\/wp-json\/wp\/v2\/media\/4591"}],"wp:attachment":[{"href":"https:\/\/verasturies.com\/ast_ast\/wp-json\/wp\/v2\/media?parent=4589"}],"wp:term":[{"taxonomy":"category","embeddable":true,"href":"https:\/\/verasturies.com\/ast_ast\/wp-json\/wp\/v2\/categories?post=4589"},{"taxonomy":"post_tag","embeddable":true,"href":"https:\/\/verasturies.com\/ast_ast\/wp-json\/wp\/v2\/tags?post=4589"}],"curies":[{"name":"wp","href":"https:\/\/api.w.org\/{rel}","templated":true}]}}