{"id":5073,"date":"2021-04-19T16:53:40","date_gmt":"2021-04-19T14:53:40","guid":{"rendered":"https:\/\/verasturies.com\/?p=5073"},"modified":"2021-06-08T17:35:59","modified_gmt":"2021-06-08T15:35:59","slug":"anabel-santiago-hubierame-prestao-poner-banda-sonora-a-la-revolucion-dochobre-del-anu-1934","status":"publish","type":"post","link":"https:\/\/verasturies.com\/ast_ast\/anabel-santiago-hubierame-prestao-poner-banda-sonora-a-la-revolucion-dochobre-del-anu-1934\/","title":{"rendered":"Anabel Santiago: “Prest\u00e1reme poner banda sonora a la revoluci\u00f3n d’ochobre de 1934”"},"content":{"rendered":"

Anabel Santiago ye cantante, articulista de prensa cultural\u00a0y profesora de cantu tradicional. Lleva m\u00e1s de 25 a\u00f1os dedicada\u00a0a la renovaci\u00f3n del x\u00e9neru musical denomin\u00e1u\u00a0“tonada” que la lleva a ganar decenes de concursos rexonales, asina como la concesi\u00f3n d’una cai col\u00a0 so nome na capital d’Asturies, Uvi\u00e9u, con nam\u00e1s 17 a\u00f1os d’ed\u00e1. Tien al llombu m\u00e1s de 8 \u00e1lbumes discogr\u00e1ficos propios y m\u00e1s d’una trentena de collaboraciones musicales con artistes de tol pa\u00eds. Con unu de los sos discos, “Agora”, consigui\u00f3’l Premiu Nacional de la M\u00fasica nel a\u00f1u 2012. El so \u00faltimo trabayu “Y and\u00e1” da un pasu\u00a0m\u00e1s all\u00e1, y consigue xunir\u00a0la m\u00fasica lletr\u00f3nica\u00a0cola de m\u00e1s raiga\u00f1u. A d\u00eda de g\u00fcei sigue en xira con esti trabayu y prepara’l so siguiente proyectu qu’estrenar\u00e1 en 2021.\u00a0<\/em><\/p>\n\n\n\n

Un llugar pa perdese una fin de selmana\u2026  <\/strong><\/p>\n\n\n\n

El valle del Llagu nel Parque Natural de Somiedu, ye un llugar m\u00e1xicu, tuvi cantando ell\u00ed y am\u00e1s de que la xente ye mui prestosa,\u00a0 la visita a cualquier puebl\u00edn o a los Teitos ye una esperiencia inolvidable.<\/p>\n\n\n\n

Un llugar pa vivir\u2026 <\/strong><\/p>\n\n\n\n

Cerquina\u00a0la costa, Lluanco. Tomar unes botellines nel muelle, picar dalgo coles vistes al mar que tien y dar una vueltina pol paseu de la Ilesia. Y si te queden ganes pues facer la ruta costera dende Moniello hasta’l Cabu Pe\u00f1es.\u00a0<\/p>\n\n\n\n

Un platu\u2026 <\/strong><\/p>\n\n\n\n

Un bon rollu de bonitu, y si ye carne un cachopu\u00a0de cecina. Anque n’Asturies ye mui dif\u00edcil decidir que vas comer porque too ta bono. Lo de la nuesa gastronom\u00eda ye d’otru mundu.<\/p>\n\n\n\n

Un postre\u2026 <\/strong><\/p>\n\n\n\n

Los frixuelos (rellenos de dulce de lleche), son la mio perdici\u00f3n. Y si ye de salao, la varied\u00e1 de quesos d’Asturies que tenemos, dende’l quesu cas\u00edn pasando pel afum\u00e1u de Pr\u00eda. Delicatessen.<\/p>\n\n\n\n

Una playa pa pasar el d\u00eda\u2026 <\/strong><\/p>\n\n\n\n

La playa de Frexulfe (Navia), ye preciosa y nun ta mui masificada. L’occidente tien unes playes poco conoc\u00edes que nun envidien nada a la fastera oriental, tami\u00e9n ye muy prestosa la de Tapia o la salvaxe de Barayo.<\/p>\n\n\n\n

Un puebl\u00edn que nun podemos dexar de ver\u2026 <\/strong><\/p>\n\n\n\n

Espinar\u00e9u ye de los m\u00e1s guapu del conceyu de Pilo\u00f1a. Am\u00e1s lluz los horre\u00f3s y la decoraci\u00f3n floral m\u00e1s cuidaos y guapos de la zona. N’Espinar\u00e9u braniaba de ne\u00f1a y tengo recuerdos de lo afayadizu que yera y de la guapura natural que tien. Y pa la xente que-y gusta’l monte, l’\u00e1rea recreativa de La Pesanca y la ruta del r\u00edu Infiernu.<\/p>\n\n\n\n

Un chigre pa tomar unos culinos\u2026 <\/strong><\/p>\n\n\n\n

“Sidrer\u00eda La Iglesiona” de Xix\u00f3n, ye un sitiu c\u00e9ntricu y ta rexent\u00e1u por una familia ucrainiana que bien paecen de Felechosa. Ye un exemplu de convivencia cultural y de como una familia emigrante pue amoldase a les nuestres tradiciones. Tienen una cocina pa fartase rico y bien y lo mesmo pues tomar unos culinos que brindar con vodka al glay\u00edu de “Nasdrovia!!<\/p>\n\n\n\n

Un parque natural pa visitar\u2026 <\/strong><\/p>\n\n\n\n

Parque Natural de Redes en Casu. Naturaleza y belleza van de la mano. Yo cri\u00e9me ente esos montes y nun hai neng\u00fan pueblu que visites ell\u00ed que nun t’inunde d’asturian\u00eda. Mui a destacar la ruta de Bra\u00f1agallones con una de les meyores vistes naturales del Princip\u00e1u, y quedase a descansar nel Refuxu.<\/p>\n\n\n\n

Una fiesta a la que nun faltar\u2026<\/strong><\/p>\n\n\n\n

La boda vaqueira d’Arist\u00e9banu. Un esperiencia que neng\u00fan\u00a0asturianu ha perder. Ye una sobredosis de tradici\u00f3n, folixa, alcuentru ente la xente d’equ\u00ed y de fuera. Tuvi la suerte de ser nomada vaqueira d’honor fai dos a\u00f1os y xubir a Arist\u00e9banu montada a caballu con tola procesi\u00f3n de xente y la lliturx\u00eda qu’acompa\u00f1a al ritual, ye dalgo dif\u00edcil d’escaecer.<\/p>\n\n\n\n

Un mus\u00e9u pa recomendar\u2026 <\/strong><\/p>\n\n\n\n

El Belles Artes d’Uvi\u00e9u. Pola so hestoria, porque conti\u00e9n les colecciones m\u00e1s importantes del pa\u00eds y porque les sos instalaciones son impecables. Si a eso sumes que la entrada ye gratuita nun se pue pedir m\u00e1s.<\/p>\n\n\n\n

Un momentu de la hestoria d\u2019Asturies que te prestar\u00eda vivir\u2026<\/strong><\/p>\n\n\n\n

La revoluci\u00f3n d’ochobre del a\u00f1u 1934. Prest\u00e1rame poner banda sonora a esi momentu de la hestoria d’Asturies, que foi vinculante y que por desgracia nun se recuerda como habr\u00eda facese. Asturies y un pu\u00f1\u00e1u de xente valiente lluchando pola so tierra, nun se m’ocurre meyor momentu pa rememorar.<\/p>\n\n\n\n

Un baille pa pasalo bien\u2026 <\/strong><\/p>\n\n\n\n

El son d’arriba. O cualquier baille tradicional que nos acerque un poqui\u00f1\u00edn a lo que fuimos y a lo que somos. N’Asturies hai muncha cultura de baille, ye importante perpetuar esi sentimientu, por eso la importancia de la tresmisi\u00f3n oral y nel casu del baille de los conocimientos de los distintos tipos de bailles seg\u00fan zones y estilos.<\/p>\n\n\n\n

Una pallabra n\u2019asturianu que te preste\u2026 <\/strong><\/p>\n\n\n\n

Charr\u00e1n\/ana. Faime muncha gracia poder llamar eso a dalgui\u00e9n que nun abocana.<\/p>\n\n\n\n

Una tradici\u00f3n que nun pue perdese\u2026 <\/strong><\/p>\n\n\n\n

La m\u00fasica tradicional asturiana, en concretu\u00a0la tonada y los cancios de chigre. Por suerte hai un resurdir de xente mozo que canta y manti\u00e9n vivu esi sentimientu. Y en los chigres y folixes paezme importante que se fomentara la recuperaci\u00f3n de dalguna d’estes tradiciones que xunten a la xente y an\u00edmenla a cantar ensin mieu am\u00e1s d’ayudar a consumir nos establecimientos hosteleros. Como exemplu los cancios de chigre de la Pola o Nore\u00f1a.\u00a0<\/p>\n\n\n\n

Una espresi\u00f3n n’asturianu que te preste…  <\/strong><\/p>\n\n\n\n

“Vamos a entamala”. Resume con creces l’esp\u00edtu astur y c\u00f3mo ye la xente equ\u00ed. Escuches esa espresi\u00f3n y sabes que la folixa ta asegurada.<\/p>","protected":false},"excerpt":{"rendered":"

Anabel Santiago ye cantante, articulista de prensa cultural\u00a0y profesora de cantu tradicional. Lleva m\u00e1s de 25 a\u00f1os dedicada\u00a0a la renovaci\u00f3n del x\u00e9neru musical denomin\u00e1u\u00a0“tonada” que la lleva a ganar decenes de concursos rexonales, asina como la concesi\u00f3n d’una cai col\u00a0 so nome na capital d’Asturies,…<\/p>","protected":false},"author":1,"featured_media":5075,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[363],"tags":[],"class_list":["post-5073","post","type-post","status-publish","format-standard","has-post-thumbnail","hentry","category-cuestionario"],"amp_enabled":true,"_links":{"self":[{"href":"https:\/\/verasturies.com\/ast_ast\/wp-json\/wp\/v2\/posts\/5073","targetHints":{"allow":["GET"]}}],"collection":[{"href":"https:\/\/verasturies.com\/ast_ast\/wp-json\/wp\/v2\/posts"}],"about":[{"href":"https:\/\/verasturies.com\/ast_ast\/wp-json\/wp\/v2\/types\/post"}],"author":[{"embeddable":true,"href":"https:\/\/verasturies.com\/ast_ast\/wp-json\/wp\/v2\/users\/1"}],"replies":[{"embeddable":true,"href":"https:\/\/verasturies.com\/ast_ast\/wp-json\/wp\/v2\/comments?post=5073"}],"version-history":[{"count":0,"href":"https:\/\/verasturies.com\/ast_ast\/wp-json\/wp\/v2\/posts\/5073\/revisions"}],"wp:featuredmedia":[{"embeddable":true,"href":"https:\/\/verasturies.com\/ast_ast\/wp-json\/wp\/v2\/media\/5075"}],"wp:attachment":[{"href":"https:\/\/verasturies.com\/ast_ast\/wp-json\/wp\/v2\/media?parent=5073"}],"wp:term":[{"taxonomy":"category","embeddable":true,"href":"https:\/\/verasturies.com\/ast_ast\/wp-json\/wp\/v2\/categories?post=5073"},{"taxonomy":"post_tag","embeddable":true,"href":"https:\/\/verasturies.com\/ast_ast\/wp-json\/wp\/v2\/tags?post=5073"}],"curies":[{"name":"wp","href":"https:\/\/api.w.org\/{rel}","templated":true}]}}