{"id":5488,"date":"2021-07-14T11:36:25","date_gmt":"2021-07-14T09:36:25","guid":{"rendered":"https:\/\/verasturies.com\/?p=5488"},"modified":"2021-07-14T11:36:27","modified_gmt":"2021-07-14T09:36:27","slug":"la-visita-regia-y-muy-politica-de-alfonso-xii-en-1877","status":"publish","type":"post","link":"https:\/\/verasturies.com\/ast_ast\/la-visita-regia-y-muy-politica-de-alfonso-xii-en-1877\/","title":{"rendered":"La visita rexia (y bien pol\u00edtica) d'Alfonso XII en 1877"},"content":{"rendered":"

Nel xunetu de 1877, el nuevu rei Alfonso XII visit\u00f3 poblaciones como Uvi\u00e9u, Arnao y Xix\u00f3n para dexase ver. En toes elles foi recib\u00edu, tantu \u00e9l como la so hermana Isabel, la Chata\u2019, con suertes dispares.<\/em><\/strong><\/p>\n\n\n\n

Foi un viaxe, ensin llugar a duldes, promocional: Alfonso XII llevaba siendo rei malpenes dos a\u00f1os y mediu, y la so madre, tres la Gloriosa del 68, sigu\u00eda exiliada en Par\u00eds. Ella nun volver\u00eda y \u00e9l sedr\u00eda un rei curtiu, pero de pel\u00edcula. Eso nun lo sab\u00eden ent\u00e1 los asturianos que, en 1877, recibieron con honores al nuevu monarca, ent\u00e1 solteru y llue\u00f1e inda de ser ese \u201ctriste de ti\u201d del que fala'l cantar popular. S\u00ed del drama que pesaba sobre la so acompa\u00f1ante, la quer\u00eda Chata\u2019 y so hermana mayor, tan nueva como prematura la so viudez. En fin: dos yogurinos que pasi\u00e1ronse, talos d\u00edes como estos, pola Asturies de fai y\u00e1 m\u00e1s de cientu cuarenta a\u00f1os.<\/p>\n\n\n\n

Tol viaxe n\u00e1rralu el peri\u00f3dicu alfons\u00edn por excelencia, La \u00c9poca<\/em>Gracies a esta publicaci\u00f3n, g\u00fcei digitalizada na hemeroteca de la Biblioteca Nacional d'Espa\u00f1a (BNE), sabemos que la real pareya d'hermanos lleg\u00f3 a Asturies procedente de Lli\u00f3n, al travi\u00e9s del puertu Payares y en tren hasta Busdongo y, de nuevu, a partir de Pola L.lena. N'Uvi\u00e9u abellug\u00e1ronse nel palaciu de Camposagrado, el de l'Audiencia, n'habitaciones decoraes \u201ccon cencellez, como deseyen los regios viaxeros\u201d, pero solo dempu\u00e9s d'asistir a un \u2018Te Deum\u2019 na Catedral, acompa\u00f1aos, nel intre, por Alejandro Mon\u2026 pero non l'alcalde de la ciud\u00e1, por tracamundiu, seg\u00fan dalgunos; por intenci\u00f3n pol\u00edtica, seg\u00fan otros.<\/p>\n\n\n\n

Espantu municipal<\/strong><\/p>\n\n\n\n

Nun foi l'\u00fanicu discutiniu surd\u00edu al redol a la estancia rexia. Pocos amos\u00e1r\u00edanse contentos colos dos arcos del trunfu asitiaos pol consistoriu como bienvenida al rei y a la so hermana: unu na esquina de la cai de Campomanes, \u201cmodelu perfectu de fe\u00fara y corrupci\u00f3n de la est\u00e9tica\u201d, seg\u00fan el corresponsal de La \u00c9poca<\/em>Fechu de hiedra escura que formaba una \u201cmasa informe\u201d d'acordies con esti, cuntaba con \u201cdos tarxetones de blancu llenzu que paec\u00eden l\u00f3culos, esos antiguos adornos que s'atopen nes catacumbes romanes. Dientro d'ellos tuviera de zarrase al autor\u201d. Y m\u00e1s: \u201cEnte la colleici\u00f3n de versos que refundiaron les se\u00f1ores al pasu de la xarr\u00e9 real, h\u00e1ilos detestables\u201d. \u00a1Vaya! El escribiente, eso s\u00ed, s\u00ed qu'apondera \u201cunes lind\u00edsimes poes\u00edes en bable asturianu, lle\u00edes pol so autor a presencia del rei\u201d.<\/p>\n\n\n\n

A la fin: n'Uvi\u00e9u visitaron l'Hospiciu y la La Maleter\u00eda; la Catedral y la C\u00e1mara Santa, la Universid\u00e1, onde contemplaron \u201cla rica colleici\u00f3n de camparines ya insectos d'Am\u00e9rica que contien el gabinete de la hestoria natural\u201d y, a otru d\u00eda, la f\u00e1brica d'armes, \u201cdende onde va colar a Trubia, xintando nesti puntu\u201d. De magar, y ensin parar, a Xix\u00f3n, a onde al cronista-y gust\u00f3 m\u00e1s el panorama: los tr\u00e9s arcos yeren, dixo, m\u00e1s bellos; unu \u201cde madera, bien espod\u00e1u y ensin otru ornamientu qu'un remate con una pequena figura, en tarxet\u00f3n, de don Pelayu y les armes del pueblu\u201d; l'otru, fechu de cok y de fierro, asonsa\u00f1ando un arcu g\u00f3ticu; y el terceru, de carb\u00f3n mineral.<\/p>\n\n\n\n

Dende Xix\u00f3n, visitar\u00eden la f\u00e1brica de cinc y la mina d\u2019Arnao, a la qu\u2019aportunaron n'entrar, como y\u00e1 fixera, m\u00e1s de venti a\u00f1os enantes, la madre de dambos, Isabel II. La diferencia taba en que cuando Isabel visit\u00f3 Arnao la estensi\u00f3n de la so mina yera de 200 metros; agora, llegaba a los quinientos. De nuevu a Uvi\u00e9u, onde fueron recib\u00edos con fueos artificiales y un engalanamiento nunca vistu, con lluces allumando al empar \u201cla f\u00e1brica de chocolates de Fern\u00e1ndez; les cais de la Rosal, Flora, Estrada, Universid\u00e1; Porlier, San Juan, R\u00faa, Plater\u00eda, Catedral y el Bomb\u00e9\u201d. Un nun parar. A primer hora de la ma\u00f1ana, la vuelta a la villa de Xovellanos, onde se dieron el primer ba\u00f1u de la temporada y percorrieron la ciud\u00e1 a cuerpu, hasta'l faru, onde xubieron; visitaron l'hospital, la Tabacalera y el conventu de les Agustinas y tami\u00e9n l'Institutu de Xovellanos. Dempu\u00e9s, cena y descansu hasta la partida a Galicia. \u00a1Duru trabayu, el de ser rei!<\/p>","protected":false},"excerpt":{"rendered":"

En julio de 1877, el joven rey Alfonso XII visit\u00f3 poblaciones como Uvi\u00e9u, Arn\u00e1u y Xix\u00f3n para dejarse ver. En todas ellas fue recibido, tanto \u00e9l como su hermana Isabel, la \u2018Chata\u2019, con suertes dispares Fue un viaje, qu\u00e9 duda cabe, promocional: Alfonso XII llevaba…<\/p>","protected":false},"author":4,"featured_media":5489,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[287,606,288],"tags":[],"class_list":["post-5488","post","type-post","status-publish","format-standard","has-post-thumbnail","hentry","category-curiosidades","category-efemerides","category-historia"],"amp_enabled":true,"_links":{"self":[{"href":"https:\/\/verasturies.com\/ast_ast\/wp-json\/wp\/v2\/posts\/5488","targetHints":{"allow":["GET"]}}],"collection":[{"href":"https:\/\/verasturies.com\/ast_ast\/wp-json\/wp\/v2\/posts"}],"about":[{"href":"https:\/\/verasturies.com\/ast_ast\/wp-json\/wp\/v2\/types\/post"}],"author":[{"embeddable":true,"href":"https:\/\/verasturies.com\/ast_ast\/wp-json\/wp\/v2\/users\/4"}],"replies":[{"embeddable":true,"href":"https:\/\/verasturies.com\/ast_ast\/wp-json\/wp\/v2\/comments?post=5488"}],"version-history":[{"count":0,"href":"https:\/\/verasturies.com\/ast_ast\/wp-json\/wp\/v2\/posts\/5488\/revisions"}],"wp:featuredmedia":[{"embeddable":true,"href":"https:\/\/verasturies.com\/ast_ast\/wp-json\/wp\/v2\/media\/5489"}],"wp:attachment":[{"href":"https:\/\/verasturies.com\/ast_ast\/wp-json\/wp\/v2\/media?parent=5488"}],"wp:term":[{"taxonomy":"category","embeddable":true,"href":"https:\/\/verasturies.com\/ast_ast\/wp-json\/wp\/v2\/categories?post=5488"},{"taxonomy":"post_tag","embeddable":true,"href":"https:\/\/verasturies.com\/ast_ast\/wp-json\/wp\/v2\/tags?post=5488"}],"curies":[{"name":"wp","href":"https:\/\/api.w.org\/{rel}","templated":true}]}}