De los tr\u00e9s centenares de gargantes o foces, el Desfiladeru de Los Arrudos ye de lo m\u00e1s guapo que puede contemplase nuna bona caminada.<\/p>\n\n\n\n
Vamos partir dende la localid\u00e1 de Coballes (Casu), tomando un ramal que nos conduz a la t\u00edpica aldega de Caliao, siguiendo'l r\u00edu d'igual nome. A los pocos quil\u00f3metros vamos dexar a la izquierda la carreterina que va a l'aldega de La Felguerina, que paga la pena visitar. Si disponemos de tiempu per esa zona sal una pista escontra'l llagu Ubales, pola que foi d'antiguo una calzada romana o v\u00eda hist\u00f3rica.<\/p>\n\n\n\n
En Caliao vamos entamar la caminada per una caleya<\/em> o pista que conduz a un \u00e1rea recreativa y a la ermita de San Antonio. D'ell\u00ed sal el cam\u00edn a la mayada de Cotu Fresn\u00e9u. Aprosimao vamos tardar una hora en llegar a les cabanes de pastores d'esta vega, una de les m\u00e1s formoses de les tierres casines. Am\u00e1s de la citada ermita, un pocu desapercibida pal viaxeru, tami\u00e9n vamos poder ver un antiguu mol\u00edn d'agua, angua\u00f1o fora de serviciu.<\/p>\n\n\n\n Dende Cotu Fresn\u00e9u vamos siguir per un cam\u00edn que nos asitia al pocu tiempu a les puertes del formosu Desfiladeru de Los Arrudos, form\u00e1u pel r\u00edu del mesmu nome. Baxa de lo alto de los puertos de Contorg\u00e1n, nes llendes asturleoneses del Cordal Cant\u00e1bricu.<\/p>\n\n\n\n Vamos xubir pol empedr\u00e1u senderu, embaldos\u00e1u con grandes piedres planes. Hai quien cree que foi una sienda o calzada romana que baxaba de San Isidro.<\/p>\n\n\n\n Vamos cruciar el r\u00edu por singulares pontes, llamaos La Calabaza de Riba y La Calabaza de Baxo. Tres una hora de xubida, llegando a la parte de La Fontona vamos poder dar per rematada l'ascensi\u00f3n, ell\u00ed rematen Los Arrudos. Anque'l senderu sigue hasta los citaos puertos de Contorg\u00e1n y San Isidro. Am\u00e1s de les mayaes de La robre y Rexecu (dende onde se llega a los llagos Ubales, La Caballuna, Piornal, Torres, Cuetu Lladr\u00f3n y Llaguiellu). Tami\u00e9n hai senderos que van hasta'l Picu Retri\u00f1\u00f3n, Monte Lla\u00edmo y mayaes de La Valencia y La Felguera, nes llendes de los conceyos vecinos de Casu y Ayer.<\/p>\n\n\n\n Esta ye una zona na qu'abonden les fayes y los xardones. Abelugu natural de urogallos, llobos, venados, corzos, jabal\u00edes y robecos.<\/p>\n\n\n\n En La Fontona, llugar ideal pa comer a la vera del r\u00edu, hai una canalizaci\u00f3n d'ag\u00fces pa Xix\u00f3n. El proyectu ye del a\u00f1u 1926, anque nun se termin\u00f3 hasta 1944, y entr\u00f3 en funcionamientu un llustru dempu\u00e9s. Esta trayida d'ag\u00fces garantiza que na Villa de Xovellanos t\u00e9ngase agua a esgaya. Tien un caudal d'unos doscientos llitros per segundu, m\u00e1s de setecientos mil llitros a la hora. La tuber\u00eda hasta Xix\u00f3n, ye de casi sesenta kil\u00f3metros de percorr\u00edu y pasa pela falda del cordal de Pe\u00f1a Mayor, ente otros montes y sierres.<\/p>\n\n\n\n El regresu a Caliao aconseyamos faelo pol mesmu itinerariu, baxando tranquilamente por Los Arrudos. Tenemos de parar dalguna vegada pa contemplar la Naturaleza (non too tien que ser andar y andar ensin sent\u00edu). Asina vamos poder ver nos altos roquedales a los gr\u00e1ciles robecos, si la suerte acomp\u00e1\u00f1anos y nun vamos dando voces.<\/p>\n\n\n\n