L'horru ye mui \u00fatil pa la casa asturiana porque defende los alimentos de la humed\u00e1, de los ratos y otros roedores. Al tar aisll\u00e1u del suelu gracies a los pegollos, les coses guardaes n\u00e9l cons\u00e9rvense seques y tarden muncho m\u00e1s en podrecer. Otramiente, la construcci\u00f3n permite una ventilaci\u00f3n continua, que tami\u00e9n favorez que tean sanos los productos guardaos n\u00e9l.<\/p>\n\n\n\n
Los ratos y los roedores nun son pa xubir porque la muela nun los dexa pasar y asina lo que guarda l'horru nun lo comen nin lo esfociquen los bichos. Hai que tener cuid\u00e1u de nun poner enxam\u00e1s palos apoyaos n\u00e9l, porque ent\u00f3s les mueles y\u00e1 nun ser\u00eden eficaces. Cuando s'usaba la parte d'embaxo d'esti como sitiu pa carpinter\u00eda o pa cualquier otra cosa, p\u00f3nense baldoses pa que los bichos nun seyan pa esguilar.<\/p>\n\n\n\n
Am\u00e1s de guardar alimentos, los horros tami\u00e9n pod\u00eden valir pa otres coses y en dellos casos us\u00e1bense pa dormir xente de la casa.<\/p>\n\n\n\n
L'horru ye un elementu mui necesariu na casa y por eso cuasi toles cases campesines asturianes ten\u00eden un pal so usu. Pero en mui bien de casos taba divid\u00edu ente delles families, de manera qu'un mesmu horru pod\u00eden usalu m\u00e1s d'una casa.<\/p>\n\n\n\n
Pero am\u00e1s d'ocupar un sitiu f\u00edsicu xunto a la vivienda familiar ocupa tami\u00e9n un sitiu na mentalid\u00e1 de les paisanes y los paisanos asturianos. L'horru ye esi espaciu insustituible onde guardar les fabes, el ma\u00edz, les patates, les cebolles, etc. Son munchos los informantes que dicen que cuando emigraren a la ciud\u00e1 lo que m\u00e1s echaben de menos yera l'horru. Y cuando volv\u00eden pal pueblu entrug\u00e1ben-yos c\u00f3mo s'arreglaben pa vivir na ciud\u00e1 ensin tener unu.<\/p>\n\n\n\n
Nun hai qu'escaecer que l'horru ye tami\u00e9n un s\u00edmbolu indentitariu asturianu: si vemos unu sabemos que tamos n'Asturies o mui cerca. Otramiente, la propia figura del horru tien una simetr\u00eda, un esquematismu y un carisma especial pa funcionar como iconu identificativu de Asturies. Nesti sen hai interesantes proyeutos pa convertir l'horru nun s\u00edmbolu emblem\u00e1ticu de la identid\u00e1, agora que y\u00e1 la econom\u00eda rural ta cambiando y los usos del horru tienen que se orientar a otres perspeutives de futuru.<\/p>\n\n\n\n